Uttarajjhayana v28.p24

v28.p24

adhyayanaṃ-1,[ni. 29] bhikṣaṇaśīlasya, samyag-aviparīto yogaḥ-samādhiḥ saṃyogaḥ, tato vividhaiḥ parīṣahāsahanaguruniyogāsahiṣṇutvālasyādibhiḥ prakāraiḥ prakarṣeṇa mukto vipramuktaḥ tasya, śeṣaṃ prāgvat|
evaṃ cāvinayapratipādanasyāpi pratijñātatvāt sarvaṃ sustham | aparastvāha-pratijñātamapi vinayamabhidhitsoraprastutam, idamapi bālaprajalpitaṃ, yataḥ śāstrārambhe'bhidheyādyavaśyamabhidheyam, anyathā prekṣāvatpravṛttyasambhavāt, tatpradarśanātmakaṃ caitat pratijñānaṃ, tathāhi-vinayaṃ prāduṣkarighyāmītyukte vinayo'syādhyayanasyābhidheyaḥ, tatprāduṣkaraṇaṃ phalaṃ, tathā cedamupeyam, upāyaścāsyaprastutādhyayanam, ityanayorupāyopeyabhāvalakṣaṇaḥ sambandha iti ca darśitaṃ bhavati, tato nāprastutatvaṃ pratijñānasyeti sthitam | samprati sūtrā''lāpakanippannanikṣepasya sūtraspaśikaniryukteśca prastāva iti manyamānaḥ saṃyoga ityādyaṃ padaṃ spṛśanikṣeptumāha niyuktikṛtni.[30] saṃjoge nikkhevo chakko duviho u davvasaṃjoge|
saṃjattagasaṃjogo nāyavviyareyaro ceva|| vṛ.'saṃyoga' iti saṃyogaviṣayaḥ 'nikṣepaḥ' nyāsaḥ, ṣaṭ parimāṇamasyeti paṭakaḥ prāgvatkan, etaddedāśca nāmasthāpanādravyakṣetrakālabhāvāḥ prasiddhatvāduttaratra vyākhyānata unnīyamānatvācca noktāḥ , atra ca
"saṃhitādiryato vyākhyāvidhiḥ sarvatra dṛśyate | nāmādividhinā''rabdhaṃ. na vyākhyā yujyate tataḥ ||1||
ityāhuravibhāvyaiva, syādvādaṃ vādino'pare | yattadatra nirākāryamācakṣāṇena tadvidhim||2|| syādastītyādiko vādaḥ, syādvāda iti gīyate | nayau na ca vimucyāyaṃ, dravyaparyāyavādinau ||3||
ataścaitadvayopetaṃ, svaṃ mataṃ samudāhatam| sañjātatattvasaṃvidbhiḥ, syādvādaḥ parameśvaraiḥ ||4|| te hi tīrthavidhau sarve, mātṛkākhyaṃ padatrayam | utpattivigamadhrauvyakhyāpakaṃ sampracakṣate ||5||
utpattivigamāvatra, mataṃ paryāyavādinaḥ | dravyārthikasya tu dhrauvyaṃ, mātṛkākhyapadatraye ||6|| tataśca-dravyatvamanvayitvena, mṛdo yadvad ghaṭādiṣu| tadvadevānvayitvena, nāmasthāpanayorapi ||7||
anvayitvaṃ tu sarvatra, saṅketānāmna ucyate | sthāpanāyāśca tadrupakriyāto buddhito'pi vā ||8||
tannāmasthāpanādravyanikṣepairanuvartitaḥ|
dravyārthikanayo bhāvanikṣepāditaraḥ punaḥ ||9|| tathā ca mahāmati:-"titthayaravayaṇasaṃgahavisesapatthāramūlavāgaraṇī| davvaṭṭhiovi pajjavaṇao ya sesā viyappā siṃ ||10||"