Uttarajjhayana v28.p241

v28.p241

uttarādhyayana-mūlasūtram-1-8/208 ṭhāṇapārago, rāyaṇo bahumato, vittī se uvakappiyā, tassa jasā nāma bhāriyā, tesiṃ putto kavilo nāma, kāsavo taṃmi kavile khuḍḍalae ceva kālagato, tādhe taṃmi mae taṃ payaṃ rāyaṇā aṇṇassa maruyagassadinnaṃ, so ya āseṇa chatteṇa ya dharijjamāneṇa vaccai, taṃdaṭṭhaṇa jasā paruṇṇā, kavileṇa pucchiyā, tāe siṭuṃ-jahā piyā te evaṃvihāe iḍḍīe nigacchiyāiau, tena bhaṇṇati-kathaṃ?, sā bhaṇati-jena so vijjāsaṃpanno, so bhaṇai-ahaṃpi ahijjāmi, sā bhaṇai-ihaṃ tumaṃ macchareṇa na koi sikkhaveti, vacca sāvatthīe nayarīe piimitto iṃdadatto nāma māhaṇo so te sikkhāvehitti | so to tassa sagāsaṃ, tena pucchito-kao'si tumaṃ?, tena jahāvattaṃ kahiyaṃ, so tassa sagāse ahijjiuṃpayatto| tattha sālibhado nāma ibbho, so se tena uvajjhāeṇaneccatiyaṃdavāvito, so tattha jimito 2 ajijjai, dāsaceḍī yataṃ parivesei soya hasaṇasīlo tīe saddhi saṃpalaggo, tīe bhaṇṇai-tume me pīto, na ya te kiṃcivi, navarimārusijjāsi, pottamullaṇimittaṃ ahamannehiṃ 2 samaṃ acchāmi, iyarahāhaṃ tujjha āṇābhojjā | aṇṇayā dāsīṇa maho ḍhukkai, sā tena samaṃ niviṇṇayā, nidaṃ sā na lahai, tena pucchiyā-kato te aratī?, tīe bhaṇṇati-dāsīmaho uvaṭṭhito, mamaṃ patta-pupphāimollaṃ natthi, sahījaṇamajhe viguppissaṃ, tāhe so adhiti pagato, tāe bhaṇṇatimā addhirti karehiṃ, ettha dhanonāma siṭṭī, appabhāe ceva je naṃ paḍhamaṃ vaddhāvei se do suvaṇṇae bhāsae dei, tatthimaṃ gaṃtūṇa taṃ vaddhāvehi, āmaṃti tena bhaṇiyaṃ| tīe lobheṇa mā anno gacchihitti atipabhāe pesito, vaccaṃto ya ārakkhiyapurisehiṃ gahito baddho ya| __ tato pabhāe paseṇaissarano uvanīto, rāiṇā pucchito, tena sabbhāvo kahito, rāyaṇā bhaṇitojaṃ maggasi taṃ demi, so bhaṇati-viciṃtiuṃ maggāmi, rāyaṇā tahatti bhaṇie asagavaṇiyāe ciṃteumāraddho-kiṃ dohiṃ māsehiṃ sāḍigābharaṇe paḍivāsigā jāṇavāhaṇāujjāṇovabhogā mama vayassāṇaṃ pavvāgayāṇa dharaṃ bhajjācauṭṭhayaṃ jaṃcaṇṇaṃ uvaujjaṃ?, evaṃ jāva koḍīevi na ṭhāeti| ciṃtaṃto suhajjhavasāṇo saṃvegamāvaṇṇo jāiṃ sariūṇa sayaṃbuddho sayameva loyaṃ kāūṇa devayādinagahiyāyārabhaṃḍago āgato rāyasagāsaṃ, rāyaṇā bhannati-kiṃ ciṃtiyaṃ?, so bhaṇati"jahā lābho tahā lobho' kaṇṭhayaḥ, rāyā bhaṇati
"koḍiṃpi demi ajjotti bhaṇati rāyā pahaṭṭhamuhavaṇṇo|
so'vi caiūṇa koḍiṃ jāto samaṇo samiyapāvo|" chammāsā chaumattho āsi | itto ya rāyagihassa nayarassa aṃtarā aṭṭhārasajoyaṇāe aḍavīe balabhaddapāmokkhā ikkaḍadāsā nāmapaṃca corasayāacchaṃti, nāneṇa jāṇiyaṃ-jahā te saṃbujjhissaṃti, tato paṭṭhito saṃpatto ya taṃ paesaṃ, sohieṇa ya diṭṭho kovi etitti āsaṇṇībhūto, nāo jahā samaṇagotti, amhaṃ paribhaviuṃ āgacchati, roseṇa va gahito seṇāvaisamīvaṃ nīto, tena bhaṇṇatimuyaha eyaṃti, te bhaṇaṃti-khellāmo eteṇaṃti, tehiṃ bhaṇṇati-naccasu samaṇagotti, so bhaṇaivāyaṃtago natthi, tāhe tāṇavi paṃcavi corasayāṇi tāle kuṭuṃti, so'vi gāyati dhuvagaṃ,
"adhuve asāsayaṃmī, saṃsāraṃmi dukkhapaurāe|
kiṃ nāma taṃ hojja kammayaṃ ? jeṇāhaṃ duggahaṃ na gacchejjā||" evaṃ savvattha silogantare dhuvagaṃ gāyati 'adhuve'tyādi, tattha kei paḍhamasiloge saṃbuddhā,