Uttarajjhayana v28.p252

v28.p252

ārambhaparigrahau tayostyāgaḥ - parihāraḥ ārambhaparigrahatyāgaḥ, na tu bahirveṣadhāraṇādyeveti gāthācatuṣṭayārthaḥ | iha ca yadyapi namipravrajyaiva prakrāntā, tathāpi yathā'yaṃ pratyekabuddhastathā'nye'pi karakaṇḍvadayastrayastatsamakālasuralokacyavanapravrajyāgrahaṇakevalajñānotpattisiddhagatibhājaḥ iti prasaṅgato vineyavairāgyotpādanārtha tadvaktavyatāmapi vivakṣuridamāha niryuktikṛtkarakaṃḍū kaliṃgesu, paṃcālesu ya dummuho | namīrāyā videhesu, gaṃdhāresu ya naggaī || vasabhe a iṃdakeū valae aṃbe a puṣphie bohī | karakaṃḍu dummuhassā namissa gaṃdhāraranno a | mihilāvaissa namino chammāsāyaṃka vijjapaḍiseho | katti sumiṇagadaṃsaṇa ahimaṃdaranaṃdighose a!! dutrivi namī videhā rajjāiṃ payahiūṇa pavvaiā | ego namititthayaro ego patteyabuddho a || jo so mititro so sāhassiya parivvuḍo bhayavaṃ | thamavahāya pavva puttaṃ rajje ṭhaveūṇaṃ ||

bīovi namīrāyā rajjaṃ caiūṇa guṇasayasamaggaṃ | gaṃthamavahāya pavvai ahigāro ettha biieṇaṃ || pupphuttarāu cavaṇaṃ pavvajjā hoi egasamaeṇaṃ | patteyabuddhakevali siddhi gayā egasamaeṇaṃ ||

ni. [ 271] seaṃ sujāyaṃ suvibhattasiṃgaṃ, jo pāsiā vasahaṃ guṭṭhamajjhe | riddhi ariddhiṃ samupehiā ṇaṃ, kaliṃgarāyāvi samikkha dhammaṃ || jo iṃdakeuṃ samalaṃkiyaṃ tu, daṭhṭhe paḍaṃtaṃ paviluppamāṇaṃ | riddhi ariddhi samupehiā ṇaṃ, paṃcālarāyāvi samikkhadhammaṃ || vuḍḍhi ca hāniṃ ca sasīva daṭṭu, pūrāvaregaṃ ca mahānaīṇaṃ | aho aniccaṃ adhuvaṃ ca naccā, paṃcālarāyāvi samikkha dhammaṃ || huā saddayaṃ succā, egassa ya asaddayaṃ | valayāṇa namīrāyā, nikkhaṃto mihilāhivo ||

ni. [ 275] jo cūarukkhaṃ tu maṇābhirāmaṃ, samaṃjarīpallavapupphacittaṃ | riddhi ariddhiṃ samupehiā ṇaṃ, gaṃdhārarāyāvi samikkha dhammaṃ || jayā rajjaṃ ca raṭuṃ ca puraṃ aṃteuraṃ tahā | savvameaṃ pariccajja, saṃcayaṃ kiṃ karesimaṃ ? | jayā te peie rajje, kayā kiccakarā bahū | tesiṃ kiccaṃ pariccajja, ajja kiccakaro bhavaṃ || jayā savvaṃ pariccajja, mukkhāya ghaḍasī bhavaṃ | paraṃ garahasī kīsa ?, attanīsesakārae |