Uttarajjhayana v28.p276

v28.p276

eyassavi paccato tevi saṃvujjhissaṃti' tti, so'vi sāmi āpucchai, aṭhṭhāvayaṃ jāmitti, tattha bhagavayā bhaṇiyaṃ vacca aṭṭhāpayaṃ ceiyāṇaṃ vaṃdato, tae ṇaṃ bhagavaṃ haṭṭatuṭṭho vaṃdittā sa gato, tattha ya aṭṭhāvae janavāyaṃ soūṇaṃ tini tāvasā paṃcapaṃcasayaparivārā patteyaṃ aṭṭhāvayaṃ vilaggāmotta tattha kilissaṃti, koḍino dino sevālī, jo koḍino so cautthaṃ 2 kāūṇa pacchā mūlakaṃdāṇi āhāreti sacittāṇi, so paḍhamaṃ mehalaṃ vilaggo, dino chuṭṭaṃ chaṭṭeṇaṃ kāūṇaṃ parisaḍiyaṃ paṃḍapattāṇi āhārei, so bīyaṃ mehalaṃ vilaggo, sevālī aṭhṭhamaṃ 2 kāūṇa jo sevālo sayaṃ maillato taṃ āhārei, so taiyaṃ mehalaṃ vilaggo, evaṃ tevi tāva kilissaṃti |
-
bhayavaṃ ca goyame orālasarīre huyavahataḍiyataruṇaravikiraṇasarisae teeṇaṃ, te taṃ iṃtaṃ pecchettā te evaṃ bhāṃti - esa kira ettha thullato samano vilaggihiti ?, jaṃ amhe mahātavassī sukkā bhukkhā na tarāmotti vilaggiuṃ, bhagavaṃ ca goyame jaṃghācāraṇaladdhīe lūyātaṃtupuḍagaṃpi nīsāe uppayati, jāva te paloyaṃti - esa āgaotti, eso adaṃsaṇaṃ gatotti, tāhe te vimhiyā jāyā pasaṃsaṃti, acchaṃti ya paloyaṃtā, jati oyarati to eyassa vayaṃ sīsā, evaṃ te paḍicchaṃtā acchaṃti |
sāmīvi ceiyāṇi vaṃdittā uttarapuracchime disibhāge puḍhavisilāpaṭṭae tuyaṭṭo asoṃgavarapāyassa ahe taṃ rayaṇi vāsāe uvāgato| io ya sakkassa logapālo vesamano, sovi aṭṭhāvayaceiyavaṃdato eti, so ceiyāṇi vaṃdittā goyamasāmiṃ vaṃdita, tāhe so dhammaṃ kaheti, bhagavaṃ aṇagāraguṇe parikahiuṃ pavatto, aṃtāhārā paṃtāhārā evaṃ vanneti, vesamano citeti - esa bhagavaṃ erise sāhuguṇe vannei, appaṇo ya se imā sarīrasukumārāyā jārisā devāṇavi natthi, bhagavaṃ tassa ākūtaṃ nāuṃ puṃḍarīyaṃ nāma ajjhayaṇaṃ pannavei, jahā - pukkhalāvatīvijae puṃḍarigiṇīe nagarīe naliṇigummaṃ ujjāṇaṃ,
1
tattha ṇaṃ mahāpaume nāma rāyā hotthā, paumāvatī devī, tāṇaṃ do puttā- puṃḍarīe kaṃḍarīe ya, sukumārā jāva paḍirūvā, puṃḍarīe juvarāyā hotthā | teṇaṃ kāleṇaṃ teṇaṃ samaeṇaṃ therā bhagavaṃto jāva nalinimme ujjāne samosaḍhā, mahāpaume niggae, dhammaṃ soccā bhaṇati-jaṃ navaraṃ devānuppiyā ! puṃḍarīyaṃ kumāraṃ rajje ṭhavemi, ahāsuhaṃ mā paḍibaṃdhaṃ karehi, evaṃ jāva puṃḍarīe rāyā jāe jāva viharai | tate ṇaṃ se kaṃḍarīe kumāre jāe| tae ṇaṃ se mahāpaume rāyā puṃḍarīyaṃ rāyaṃ āpucchatitaṇaṃ se puṃḍarī sibiyaṃ nīnei, jāva pavvatite, navaraṃ coddasapuvvāī ahijjati, bahūhiṃ chaṭhṭhaṭhṭhamamahātavovahāṇehiṃ bahūṇi vāsāṇi sāmannaṃ pāliūṇaṃ māsiyāe saṃlehaṇāe saṭṭhi bhattāī jhosittā jāva siddhe |
annayā ya te thorā puvvāṇupuvvi jāva puṃḍarigiṇīe samosaḍhā, parisā niggayā, tae ṇaṃ se puṃḍarīe rāyā kaṇḍarīeṇaṃ juvaranā saddhiṃ imīse kahāe laddhaṭṭhe samāṇe haṭṭhe jāva gae, dhammakahā, jāva se puṃḍarīe sāvagadhammaṃ paḍivanne, jāva paḍigae sāvae jāe| tae ṇaṃ se kaṃḍarīe juvarāyā therāṇaṃ dhammaṃ soccā haṭṭe jāva jahedaṃ tujjhe vadaha, jaṃ navaraṃ devāṇuppiyā ! puṃḍarīyaṃ rāyaṃ āpucchāmi, tae ṇaṃ jāva pavvayāmi, ahāsuhaṃ pavyaha | tate ṇaṃ se kaṃḍarīe jāva there nama̭sati 2 therāṇaṃ aṃtitāto paḍinikkhamati 2 ttā tameva cāughaṃṭaṃ āsaharaṃ durūhati, jāva paccoruhati, jeṇeva puṃḍarīe rāyā teneva uvāgacchati, karayala jāvapuṃḍarīyaṃ rāyaṃ evaṃ vayāsī evaṃ khalu mae devānu28/18