Uttarajjhayana v28.p277

v28.p277

uttarādhyayana- mūlasūtram - 1-10/290 ppiyā | therāṇaṃ aṃtie jāva dhamme nisaṃte, se ya dhamme icchie paḍicchie abhiruie, tae ṇaṃ ahaṃ devānuppiyā ! saṃsārabhauvvigge bhīe jammaṇamaraṇāṇaṃ icchāmi ṇaṃ tujjhehiṃ aṇunnāe samāṇe therāṇa aṃtie jāva pavvatittaetti |
taṇaṃ se puṃḍarī rāyā evaṃ vayāsī mā ṇaṃ tumaṃ devānuppiyā | idāniṃ therāṇaṃ aṃtie jāva pavvayāhi, ahannaṃ tumaṃ mahayā 2 rāyābhiseeṇaṃ abhisiṃcissāmi, tae ṇaṃ se kaṃḍarīe puṃḍariyassa ranno eyamaṭṭaṃ no āḍhāti no parijāṇāti tusiṇīe saṃciṭṭai, tae ṇaṃ se kaṃḍarīe puṃḍarīe doccaṃpi taccapi evaṃ vayāsī- icchāmi ṇaṃ devānuppiyā ! jāva pavvaittaetti |
taṇaṃ se puṃḍarie rāyā kaṃḍarīyaṃ kumāraṃ jāhe no saṃcāei visayānulomāhiṃ bahūhiṃ āghavaṇāhi ya pannavaṇāhi ya sannavaṇāhi ya vinnavaṇāhi ya āghavittae vā 4 tāhe visayapaḍikūlāhiṃ saṃjamabhauvvegakarīhiṃ pannavaṇāhi ya pannavemāṇe 2 evaṃ vayāsī evaṃ khalu jāyā ! niggaṃthe pāvaṇe sacce anuttare kevalie evaṃ jahā paḍikkamaṇe jāva savvadukkhāṇa aṃtaṃ kareti, kiṃtu ahīva etadiṭṭhīe khuro iva egaṃtadhārāe lohamāyā vā javā cāveyavvā vāluyākavale iva nissāe gaṃgā vā mahānaī ḍisoyagamaṇāe mahāsamudde iva bhuyāhiṃ duruttarehiṃ tikkhaṃ caṃkamiyavvaṃ garuyaṃ laṃghiyavvaṃ asidhāraṃ ca tavaṃ cirayavvaṃ, no ya khalaṃ kappaī jātā ! samaṇāṇaṃ niggaṃthāṇaṃ pāṇāivāe vā jāva micchādaṃsaṇasalleti vā 18 āhākammeti vā uddeseti vā missajāe vā ajjhoyarae pūie kīe pāmicce acchejje anisiṭṭhe abhihaḍe vā ṭhaiyae vā kaṃtārabhattae i vā dubbhikkhabhattei vā gilāṇabhatte i vā pāhuṇagabhattetti vā sijjātarapiṃḍe i vā rāyapiṃḍe i vā mūlabhoyaṇe i vā kandabhoyaṇe i vā phalabhoyaṇe i vā bīyabhoyaṇe i vā hariyabhoyaṇe i vā bhottae vā pāyae vā, tumaṃ caṇaṃ jāyā ! suhasamucite nālaṃ sītaṃ nālaṃ uṇhaṃ nālaṃ khuhā nālaṃ pivāsā nālaṃ corā nālaṃ bālā nālaṃ daṃsā nālaṃ masagā nālaṃ vāttiyapittiyasiṃbhiyasannivāiyavivihe rogāyaṃke uccāvae vā gāmakaṃṭate, vā bāvīsaṃ parīsahovasagge udine sammaṃ ahiyāsittaetti, taṃ no khalu jātā ! amhe icchāmo tujjhaṃ khaṇamavi vippaogaṃ, taṃ acchāhī tāva jāyā ! aṇubhavāhi rajjasiriṃ, pacchā pavvahisi | tae ṇaṃ se kaṃḍarīe eyaṃ vayāsī
tava ṇaṃ devānuppiyā ! jannaṃ tujjhe vayaha, kiṃ puna devānuppiyā! niggaṃthe pāvayaṇe kīvāṇaṃ kāyarāṇaṃ kāpurisāṇaṃ ihaloyapaḍibaddhāṇaṃ paralogaparaṃmuhāṇaṃ visayatisiyāṇaṃ duranucare pāgayajaṇassa, dhīrassa nicchiyassa vavasiyassa no khalu itthaṃ kiṃci dukkarakaraṇāe, taṃ icchāmi ṇaṃ devānuppiyā ! jāva pavvatittaetti| tae ṇaṃ taṃ kaṃḍarīyaṃ puṃḍarīe rāyā jāhe no saṃcāeti bahūhiṃ āghavaṇāhi ya 4 āghavittae vā 4 tādhe akāmae ceva nikkhamaṇaṃ aṇumannitthā |
tase puṃḍarī koḍuṃbiyapurise saddāvei 2 evaṃ vayāsī jahā mahāmaigdhaṃ mahārihaṃ nikkhamaṇamahimaṃ kareha, jāva pavvatito| tao sāmāiyamāiyāī ekkārasa aṃgāī ahijjiyāī, bahūhiṃ cautthacchaṭṭhaṭṭhamāīhiṃ tavovahāṇehiṃ jāva viharai | annayā tassa kaṃḍarīyassa aṃtehi ya paṃtehi ya jāva rogāyaṃke pāubbhūe jāva dāhavakkaṃtīe yāvi viharati | tate ṇaṃ te therā bhagavaṃto annayā kayāiṃ puvvānupuvvi caramāṇā gāmānugāmaṃ viharamāṇā puṃḍarigiṇīe nalinivane samosaḍhā, tae ṇaṃ se puṃḍarī rāyā imīse kahāe laddhaṭṭhe samāṇe jāva pajjuvāsai, patthuyā dhammakahā bhagavayā,