Uttarajjhayana v28.p278

v28.p278

adhyayanaṃ-10,[ni. 305] tate ṇaṃ se puṃḍarīe rāyā dhamma soccā jeṇeva kaṃḍarīe anagāre teneva uvāgacchai 2 tā kaṃḍarīyaṃ vaṃdai namasai 2 kaṃḍarīyassa sarīraṃ savvābāhaṃsaruyaṃ pāsati 2 jeṇeva therā teneva uvāgacchai, there vaṃdati 2 evaṃ vayāsī-ahaṃ ṇaṃ bhaṃte! kaṃḍarīyassa anagārassa ahāpavattehiṃ tegicchiehiṃ phāsuyaesaṇijjehiṃ ahāpavattehiṃ osahabhesajjabhattapāṇehiṃ tigicchaṃ āuṃṭāmi, tujhe ṇaṃ bhaṃte ! mama jāṇasālāsu samosaraha, tate ṇaṃ therāṇaṃ puṃḍarīyassa ranno eyamaṭuṃ paḍisuṇeti 2 jāva jāṇasālāsu viharaṃti| __ tae ṇaṃ se puṃḍarīe kaṃḍarīyassa tigicchaṃ āuṃṭei, tae ṇaṃ taṃ maṇunnaṃ asaṇaṃ 4 āhāreṃtassa samāṇassa se rogāyaṃke khippāmeva uvasaṃte haḍhe jāe āroge baliyasarīre, tao rogāyaṃkāo mukke'vi samāṇe taṃsi maṇunasi asane 4 mucchie jāva ajjhovavo vivihe ya pāṇagaṃsi, no saṃcāeti bahiyā abbhujjaeṇaṃ vihāreṇaṃ viharittaetti| tate ṇaṃ se puṃḍarīe imīse kahāe laddhaṭṭe samāṇe jeṇeva kaṃḍarīe teneva uvāgacchati 2 kaṃḍarīyaṃ tikkhutto āyāhiṇaṃ payāhiṇaṃ kareti 2 vaṃdati 2 evaṃ vayāsī-ghanne'si ṇaṃ tumaṃ devānuppiyā! evaṃ supanno'si ṇaṃ kayatthe kayalakkhaṇe suladdhe ṇaṃ tava devānuppiyā ! māṇussae jamme jīviyaphale, jannaṃ tumaṃ rajjaṃ ca jāva aṃteuraṃ ca vicchaḍḍuittā jāva pavvaie, ahannaṃ ahanne akayapunne jāva mānussae bhave anegajāijarāmaṇarogasogasārīramāṇasapakāmadukkhaveyaṇāvasaṇasayauvaddavābhibhūe adhuve anīie asāsae saṃjjhabbharāgasarise jaṃlabubbuyasamāṇe kusaggajalabiṃdusannihe sumiṇagadaṃsaṇovame vijjulayācaṃcale anicce saḍaṇapaḍaṇaviddhaṃsaṇadhammake pubvivā pacchā vā avassaṃ vippajahiyavvaitti, tahā mānussayaṃ sarīragaṃpi dukkhāyayaṇaṃ vivihavāhisayasanikeyaṃ aṭṭhiyakaṭṭhiyaṃ sirāṇhārujālaoṇaddhasaṃvinaddhaṃ maṭṭiyabhaṃḍaṃ va dubbalaṃ asuisaṃkiliṭṭha aṇiṭuṃpi ya savvakālaṃ saṃṭhappayaṃ jarādhuṇiyaṃjajjaragharaṃva saḍaṇapaḍaṇaviddhaṃsaṇadhammayaṃ pubbi vā pacchā vā avassavippajahiyavvaṃ, kāmabhogāviyaṇaṃ mānussagā asuī asāsayā vaṃtāsavā evaṃ pittā0 khelā0 sukkā0 soṇiyāsavā uccārapāsavaṇakhelasiṃghāṇavaṃtapittasukkasoṇiyasamubbhavā amaṇunapu(du) rūyamuttapūtipurīsapunnā mayagaṃdhussāsa asubhaṇissāsauvvīyaṇagā bībhacchā appakāliyā laghussagā kalamalāhiyā sudukkhā bahujanasāharaṇā parikile sakicchadukkhasajjhā abuhajananiseviyā sadā sādhugarahinijjā anaṃtasaṃsāravaḍḍhaṇā kaḍugaphalavivāgā cuḍulivva amuṃcamāṇā dukkhāṇubaṃdhiṇo siddhigamanavigdhā puvvivā pacchā vā avassa vippajahiyavvā bhavaṃti, je'vi yaṇaṃ rajje hiranne suvane ya jāva sāvaijje se'vi yaṇaṃ aggisāhie corasāhie rāyasāhie dāiyasāhie adhuve anitīe asāsae puvvi vā pacchā vā avassavippajahiyavve bhavissatitti, evaṃvihammi rajje jāva aṃteure yamānussaesu ya kāmabhogesu mucchie 4 no saṃcāemijāva pavvayittae, taṃ dho'si ṇaṃ tumaṃ jāva suladdhe ṇaṃ maṇuyajamme, jaṃ ṇaṃ pavvaie|
tate ṇaṃ se kaṃḍarīe puṃḍarīeṇaṃ evaṃ vutte tusiṇīe saṃciṭṭhati, tateṇaṃ se puṃḍarīe doccaṃpi taccapi evaṃ vayāsi-dhanne'si tumaṃ ahaṃ aho | taeṇaṃ se doccapi taccapi evaṃ vutte samāṇe akāmae avasaṃvase lajjāe ya gāraveṇa ya puṃḍarīyarāyaṃ āpucchai, therehiṃ saddhi bahiyā janavayavihāraṃ viharaī | tae ṇaṃ se kaṃḍarīe therehiṃ saddhiṃ kiṃci kālaṃ uggaṃ uggeṇaṃ viharittā tao