Uttarajjhayana v28.p288

v28.p288

-
adhyayanaṃ-10,[ni.309]
285 mupāyaṃ svagṛhābhimukhamāgacchannatibhīrutayā'nyavastvantarhitaṃ svarṇādikaṃ svaśirasyāropya katiciddināni samyagudvahati, anantaraṃca kvacidupalādisaṃkule pathi aho| ahamanena bhāreṇā''krānta iti tamutsṛjya svagṛhamāgataḥ atyantanirdhanatayā'nutapyate--kiṃ mayā mandabhāgyena tatparityaktamiti?, evaṃ tyamapi pramādaparatayā tyaktasaṃyamabhāra: sannevaṃvidho mā bhūḥ, kintu samayamapi gautama ! mā pramādīriti satrārthaḥ || bahvidamadyāpi nistaraṇīyamalpaṃ ca nispīrṇamityabhisandhinotsāhabhaṅgo'pi syāditi tadapanodāyāha- . mū. (324) titro hu si annavaṃ mahaṃ, kiṃ puna ciṭṭhasi tīramāgao?|
__ abhitura pāraṃgamittae, samayaṃ0 || vṛ. 'tinno hu si'tti tīrṇa evāsi, arnavamivārṇavaṃ 'mahaṃ'ti mahāntaṃ guruṃ, kimiti praśne punariti vākyopanyāse, tataḥ kiṃ punastiṣṭhasi?, 'tīraṃ' pāram 'āgataḥ' prāptaḥ, kimuktaṃ bhavati? - bhava utkṛṣṭasthitīni vā karmāṇi bhāvato'rṇava ityucyate, sa ca dvividho'pi tvayottīrṇaprāya eva iti kena hetunā tīraprāpto'pyaudāsīnyaṃ bhajase?, naivedaṃ tavocitamityāśayaḥ | kintu 'abhitura'tti abhi-ābhimukhyena tvarasva-śīghro bhava, 'pāraṃ' paratīraṃ bhāvato muktipadaṃ 'gamittae'tti gantum, ataśca samayamapi gautama! mā pramādīriti sūtrārthaḥ || athāpi syāt-mama pāraprāptiyogyataiva na samasti, ata āha-athavā śeṣaśiṣyāpekṣayā kimasyāpramādasya phalam ? yatpunaḥ punarayamupadiśyate ityāhamū.( 325) akalevaraseṇimūsiyā, siddhiṃ goyama! loyaṃ(ya) gacchasi|
khemaṃ ca sivaṃ anuttaraṃ, samaya0 || 7. kalevaraṃ-śarīram avidyamānaṃ kaḍevaramepāmakaḍevarā:-siddhāsteṣāṃ śreṇiriva śreṇiryayottarottaraśubhapariṇāmaprāptirūpayā te siddhipadamārohanti(tāṃ), kṣapaka śreṇimityarthaḥ | yadvā kaḍevarāṇi-ekendriyaśarīrāṇi tanmayatvena teṣāṃ śreṇiḥ kaḍevaraśreṇiḥ-vaṃśādiviracitā prāsādādiṣvārohaṇahetuḥ, tathā ca yā nasā akaḍevaraśreṇi:-anantaroktarūpaiva tām ‘ussiya'tti utsṛtāṃ, gamiṣyasīti sambandhaḥ, yadvā 'ussiya'tti ucchrityevocchritya-uttarottarasaṃyamasthānāvāptyā tāmacchritāmiva kṛtvā siddhim' iti siddhināmānaṃ 'goyama! loyaṃ gacchasi'tti prāgvallokaṃ gamiṣyasi, saṃśayavyavacchedaphalatvāccāsya gamiṣyasyeva, 'kṣemaṃ' paracakrādyupadravarahitaṃ, 'caḥ' samuccaye bhinnakramaśca, 'śivamanuttaraṃ' ca tatra śivamaśeṣaduritopaśamena anuttaraṃ nāsyottaramanyat pradhānamastītyanuttaraṃ, sarvotkṛṣṭamityarthaḥ, yataścaivaṃ tataḥ samayamapi gautama! mā pramādīriti sūtrārthaḥ
samprati nigamayannupadeśasarvasvamāhamū. (326). buddhe parinivvue care, gāma gae nagare va saṃjae|
saṃtimaggaṃ ca būhae, samayaṃ0|| vṛ.'buddhaḥ' avagataheyādivibhāgaḥ 'parinirvṛtaḥ' kaṣāyāgnyupaśamataḥ samantāt śītībhūtaḥ 'care:' āsevasva, saṃyamamiti śeṣaḥ, 'gāma'tti supo lopāt grāme 'gataḥ' sthito nagare vā, upalakṣaṇatvādaraṇyādiṣu vā, kimuktaṃ bhavati ? -sarvasminnanabhiṣvaṅgavān, samyag yataḥpāpasthānebhya uparataḥ saṃyataḥ, śāmyantyasyāṃ sarvaduritānīti śāntiḥ-nirvāṇaṃ tasyā mārgaḥ