Uttarajjhayana v28.p287

v28.p287

-
284
uttarādhyayana-mūlasūtram-1-10/321 mū. (321) nahu jine ajja dosai, bahumagha dīsai maggadesie|
saṃpai neāue pahe, samaya0 || vṛ. 'na hu' naiva 'jina:' tīrthakṛd 'adya' asmin kāle 'dṛśyate' avalokyate, yadyapīti gamyate, tathāpi bahumae'tti panthāḥ, sa ca dravyato nagarādimārgaḥ, bhāvatastu sātiśayaśrutajñānadarśanacāritrātmako muktimārgaḥ, tatreha bhāvamārgaḥ parigṛhyate, 'dṛśyate' upalabhyate 'maggadesiya'tti bhāvapradhānatvānnirdeśasya mārgatvena arthānmukterdeśito-jinaiḥ kathito mārgadeśitaḥ, ayamāśayaḥyadyapi samprati jino na dṛśyate tadupadiṣṭastu mārgo dṛśyate, na caivaṃvidho'yamatīndriyārthadarśinaṃ jinaṃ vinā sambhavati ityasandigdhacetaso bhāvino'pi bhavyā na pramādaṃ vidhāsyantīti,
ataḥ 'samprati' idānīṃ satyapi mayīti bhāvaḥ, 'naiyānike' niścitamuktyākhyalābhaprayojane 'pathi' mārge samayamapi gautama! kevalānutpattitaḥ saṃśayavidhānena mā pramādīḥ, yadvā-trikālaviṣayatvāt sūtrasya bhāvibhavyopadeśakamapyetat, tato'yamarthaḥ-yathā''dyamārgopadeśakaṃ nagaraṃ cāpaśyanto'pi panthānamavalokayantastasyāvicchinnopadeśatastatprāpakatvaṃ niścinvanti tathā yadyapyadya jina upalakṣaṇatvānmokṣaśca naiva dṛśyate tathā'pi taddeśitaḥ panthā-māryamānatvāt mārgomokṣastasya 'desiya'tti sūtratvāddeśako mārgadeśako dṛśyate, tatastasyāpi tatprāpakatvaṃ māmapaśyadbhirapi bhāvibhavyainiścetavyaṃ, yataścaivaṃ bhāvibhavyānāmupadiśyate ataḥ sampratītyādi prāgvat, dvividhā'pi tāvaditthaṃ vyākhyā sūcakatvāt, sūtrasyeti gāthārthaḥ | atraivārthe punarupadiśanāhamū. ( 322) avasohiyaṃ kaṭaṃgāpaha, oinno'si pahaṃ mahālayaṃ |
gacchasi maggaṃ visohiyā, samayaṃ0 || vṛ. 'avasohiya'tti avaśodhya-apasārya pṛthakkṛtya parihatyetiyāvat, kam?-'kaṃṭayāpahaṃti ākāro'lākṣaṇikaḥ, kaṇṭakāśca dravyato babbūlakaṇṭakādayaḥ bhāvatastu carakādikuśrutayastairākulaḥ panthāḥ kaṇṭakapathastaṃ, tataśca 'avatīrṇo'si' anupraviṣṭo bhavasi ‘pahaṃ'ti panthānaṃ 'mahālaya'ti mahāntaṃ mahatāṃ vā''layaḥ-āśrayo mahālayaḥ, sa ca dravyato rājamārgaḥ bhāvatastu mahadbhistīrthaṅkarādibhirapyāśritaḥ samyagdarśanādimuktimārgastaṃ, kaścidavatīrṇo'pi mārga na gacchet ata āha-'gacchasi'-yāsi mārga, na punaravasthita evāsi, samyagdarśanādyanupālanena muktimārgamanapravṛttatvādbhavataḥ, tatrāpyaniścaye'pāyaprāptireva syāt ityāha-'viśodhya' iti viniścitya, tadevaṃ pravṛttaḥ san samayamapi gautama ! mā pramādīriti sūtrārthaḥ | evaṃ ca pūrveṇa darśanaviśuddhimanena ca mārgapratipattimabhidhāya tatpratipattāvapi kasyacidanutāpasambhava iti tannirācikīrṣayā''hamū. (323) abale jaha bhāravāie, mā magge visame'vagāhiyā|
pacchā pacchānutāvae, samayaṃ0 || vṛ. 'abalaḥ' avidyamānaśarīrasāmarthyaḥ 'yathā' ityaupamye bhāraṃ vahatīti bhāravāhaka: 'mā' niṣedhe 'magge' tti mārga 'visame'tti viṣamaṃ mandasattvairatidustaram 'avagāhiya'tti avagāhya praviśya, tvaktāṅgīkṛtabhāraḥ sanniti gamyate, ‘paścāt' tatkālānantaraṃ 'paścādanutāpakaḥ' paścāttāpakṛt, bhūriti śeṣaḥ, idamuktaṃ bhavati-yathā kaściddeśāntaragato bahubhipāyaiḥ svarṇādika