Uttarajjhayana v28.p30

v28.p30

27 __anye tvāḥ- ekaguṇādi svasthānāpekṣayā dviguṇena rūpādhikena sambadhyata iti, ayamatra viśeṣaḥ khaluśabdena sūcyate, tathā caikakasya svasthānāpekṣayā dviguṇo dvika eva saca rūpādhikastrika eva iti triguṇenaikavaikaguṇasya sambandhaḥ, tathā dviguṇasya pañcaguṇena triguṇasya saptaguṇena caturguṇasya navaguṇena pañcaguṇasyaikādaśaguṇenetyādi, uktaṃ ca
"samaniddhayāi baṃdho na hoi samalukkhayāvi ya na hoi|
vemāiniddhalukkhattaṇeṇa baṃdho ukhaṃdhāṇaṃ ||1||" (tathā) "doṇha jahannaguṇāṇaṃ niddhāṇaṃ taha ya lukkhadavvāṇaṃ |
egāhievi ya guṇe na hoti baṃdhassa pariṇāmo ||2||
niddhaviuṇāhieṇaṃ baṃdhā niddhassa hoi davvassa|
lukkha biuṇāhiema ya lukkhassa samāgamaṃ pappa ||3||" snigdharūkṣaparasparabandhavicāraṇāyāṃ tu samaguṇayorviṣamaguṇayorvā jaghanyavarjayorbandhapariṇatiriti viśeṣaḥ | tathā cāha
"bajhaṃti niddhalukkhāvisamaguṇā ahava samaguṇo je'vi|
vajjitu jahannaguṇe bajhaṃtī poggalā evaṃ ||" ityādi, yena viśeṣaṇa saṃsthānāt skandhasya bhedenopādānaṃ tamāviṣkartumāha-'taṃ saṃṭhāṇaṃti' prākṛtatvādevaṃ pāṭhaḥ, tasya-skandhasya saṃsthānam-ākārastatsaṃsthānam, anena-hṛdi vivartamānatayā pratyakṣeṇa parimaṇḍalādinā'nantaroktaprakāreṇetthamiththaṃ tiṣṭhati itthaṃsthaṃ, na tathā anitthaṃstham, anena niyataparimaṇḍalādyanyatarākāraṃ saṃsthānaṃ śeṣo'niyatā''kārastu skandha ityanayoviśeṣa ityuktaṃ bhavati| āha-skandhānāmapi parasparaṃ bandho'sti, yaduktam-"emeva ya khaṃdhāṇaṃ dupaesāīṇa baṃdhapariṇāmo' tti ata: kiṃ na teṣāmapīrataretarasaṃyoga ihoktaḥ ?, ucyate, ukta eva, teṣāṃ pradeśasabhāvāt, pradeśānāṃ ca 'iyaretarasaṃjogo paramāṇūṇaṃ tahā paesāṇaṃ' ityanena tadabhidhānāditi gāthārthaḥ | saṃsthānabhedānāhani.[38] parimaṃḍale ya vaṭṭe taṃse cauraṃsamāyae ceva|
ghanapayara paḍhamavajjaṃ oyapaese ya jumme ya || vṛ.liṅga vyabhicāryapī'ti prākṛtalakṣaṇāt sarvatra liṅgavyatyayaḥ, tataḥ parimaṇḍalaṃ, prakramāt saṃsthānamevamuttaratrāpi, tacca bahirvṛttatāvasthitapradeśajanitamantaḥśupiraṃ, yathā valakasya, caśabda uttarabhedāpekṣayā samuccaye, vṛttaṃ tadevāntaḥśupiravirahitaṃ yathā kulālacakrasya, vyatraṃ-trikoṇaṃ, yathā śṛṅgāṭakasya, caturastraṃ-catuṣkoṇaṃ, yathā kumbhikāyāḥ, āyataṃ-dīrdhaṃ, yathā daṇḍasya, caḥ pūrvabhedāpekṣayā samuccaye 'eva' avadhāraṇe, tata iyata eva saṃsthānabhedāḥ, 'ghanapayara'tti ghanaṃ ca prataraṃca ghanaprataraṃ, prākṛtatvādvindulopaḥ, sarvatra ca pratarapūrvaka eva ghanaḥ prarūpyate, ihāpi tathaivopadarśayiṣyate, tataḥ prataradhana iti nirdeśaḥ prāptaḥ, alpākṣa(cta)ratvāttu ghanaśabdasya pūrvanipātaḥ, tataścaikaikaṃ parimaṇḍalādi prataraṃghanaṃca, bhavatīti gamyate, tathā prathamam-ādyaṃ varjayati-tyajatīti prathamavarja-parimaṇḍalarahitaṃ vṛttādisaṃsthānacatuṣkamityarthaḥ 'āyapaese ya'tti ojaḥpradeśaṃ
ca-viṣayasaṅkhyaparamāṇukaṃ 'jumme ya' tti prakramāda yugmapradeśaṃ ca, ubhayatra caḥ samuccaye|