Uttarajjhayana v28.p300

v28.p300

adhyayanaṃ-11,[ ni. 317 ] | paranipātaḥ prāgvat, ‘evam' iti mandaravat bhavati bahuśrutaḥ, śrutamāhātmyena hyasāvatyantasthira iti śeṣagirikalpāparasthirasādhvapekṣayā pravara eva bhavati, tathā'ndhakāre'pi prakāśanatyanvitā āmarpoṣadhyādayastatrātipratītā eveti sūtrārthaḥ || kiṃ bahunā?mū. ( 357) jahā se sayaṃbhūramaṇe, udahī akkhaodae|
nānārayaṇapaḍipunne, evaṃ bhavai bahussue| vṛ. yathā sa svambhūramaṇaḥ svayambhūramaṇābhidhānaḥ 'udadhiḥ' samudraḥ akṣayam-avināśyudakaṃ-jalaṃ yasmin sa tathā, nānāratnaiḥ-nānāprakārairmarakatādibhiḥ pratipūrṇo-bhṛta: nānāratnapratipūrṇaḥ, evaṃ bhavati bahuśrutaḥ, ayamapi hyakṣayasamyagjñānodako nānā'tiśayaratnavāṃśca bhavati, yadivā' kṣata udayaḥ-prādurbhāvo yasya so'kṣatodaya iti sūtrārthaḥ || sāmpratamuktaguṇānuvādataḥ phalopadarśanataśca tasyaiva māhātmyamāhamū. ( 358) samuddagaṃbhīrasamā durāsayā, acakkiyā keṇai duppahaṃsayā|
suyassa punnā viulassa tāiṇo, khavettu kammaṃgaimuttamaṃ gayā| vṛ. samuddagaṃbhīrasama'tti ārṣatvādgāmbhīryeṇa-alabdhamadhyātmakena guṇena samā gāmbhīryasamāḥ samudrasya gāmbhīryasamāḥ samudragāmbhīryasamāḥ, 'durāsaya'tti duḥkhenāśrīyante-abhibhavabuddhayā''sādyante vā-jetuṃ sambhāvyante kenāpīti durāśrayā durāsadāvā, ata eva acikkiya'tti acakitā:-atrāsitāḥ, 'kenaciditi parīṣahādinā parapravādinā vā, tathā duḥkhena pradharṇyanteparābhūyante kenāpīti duṣpradharṣāsta eva duṣpradharṣakāḥ, ka evaṃvidhāḥ ? ityāha-'suyassa punnā viulassa'tti-subbyatyayācchrutena-āgamena pūrṇāḥ- paripūrṇā vipulena-aṅgānaṅgādibhedato vistīrṇena tāyinaḥ trāyiṇo vā, evaṃvidhāśca bahuśrutā eva, tāneva phalato viśeṣayitumāha'kṣapayitvā' vināśya 'karma' jñānāvaraṇādi, gamyata iti gatistām, 'uttamāṃ' pradhānāṃ, muktimitiyāvat, 'gatā:' prāptāḥ, upalakṣaṇatvādgacchanti gamiṣyanti ca | iha caikavacanaprakrame'pi bahuvacananirdeśaḥ, pūjyatākhyāpanārthaṃ vyāptipradarśanārthaṃ ceti sūtrārthaḥ | itthaṃ bahuśrutasya guṇavarṇanātmikāṃ pūjāmabhidhāya śiṣyopadeśamāhama.(359) tamhā suyamahiujjā, uttamamaṭṭhavagesae|
jena'ppāṇaṃ paraṃ ceva, siddhiṃ saṃpāuṇijjāsi|ttibemi vṛ. yasmādamī muktigamanāvasānā bahuśrutaguṇāḥ tasmāt 'śrutam' āgamam 'adhitiṣṭhet' adhyayanaśravaṇacintanādinā''śrayeta, uttamaḥ-pradhāno'rtha:-prayojanama-uttamārthaḥ, saca mokṣa eva taṃ 'gaveṣayati' anveṣayatīti uttamārthagaveṣakaḥ, yena kiṃ syādityāha-'yena' śrutāśravaṇena 'ātmānaṃ' svaṃ paraṃ' cānyaṃ tapasvyādikaṃ eva:' avadhāraṇe bhinnakramaśca samprāpayedityasyānantaraṃ draṣṭavyaḥ, tataḥ 'siddhi' muktigati saṃpāuṇijjāsi'tti samyak prāpayedeva, neha kaścit sandeha iti sūtrārthaḥ || 'itiḥ' parisamāptau 'bravīmi' iti pūrvavat, ukto'nugamaḥ, samprati nayāste'pi pūrvavadeva||
adhyayanaṃ - 11 samāptam mani dīparatna sāgareṇa saṃśodhitā sampāditā uttarādhyayana sūtre ekādaśa adhyayanasya bhadrabāhusvāmi viracitā niyuktiḥ evaṃ śāntyācārya viracitā ṭīkā parisamāptā