Uttarajjhayana v28.p303

v28.p303

-
uttarādhyayana- mūlasūtram - 1-12 / 359 aha annayā jakkhāyayaṇaṃ kosaliyarāyadhūyā bhaddā nāma pupphadhūvamādī gahāya acciraṃ niggayā payāhiṇaṃ karemānā taṃ daṭṭhūṇa kālaṃ vigarālaṃ chittikāūṇa niṭṭhūhati, jakkheṇa ruṭṭheṇa annaiṭṭhā kāya, nīyā nīyagharaṃ, āvaisiyā bhaṇati te navaraṃ muṃcāmi jai naṃ tasseva deha, taṃ ca sāhati - jahā eīe so sāhū odūḍho, rannāvi jīvauttikāūṇa dinnā, mahattariyāhiṃ samaṃ tatthāṇīyā, ratti tāhiṃ bhaṇṇati-vacca patisagāsaṃti, paviṭṭhā jakkhāyayaṇaṃ, so paḍimaṃ ṭhio necchati, tāhe jakkhova isisarīraṃ chāiūṇa divvarūvaṃ daṃseti, puṇo muṇirūvaṃ, evaṃ savvaratti velaṃbiyā, pabhāe necchatti kāūṇaṃ pavisaṃtī sagharaṃ purohieṇa rāyā bhaṇio - esā risibhajjā baṃbhaṇāṇaṃ kappaitti, dinnā tasseva | so ya janne dikkhijjikāmo sā annena laddhā, sāvi jannapattittikāūṇa dikkhiyā | ityuktaḥ sampradāyo'vasatiśca nāmaniṣpannanikṣepaḥ, samprati sūtrālāpakaniṣpannasyāvasaraḥ, sa ca sūtre sati sambhavatyataḥ sūtrānugame sūtramuccāraṇīyaṃ taccedamsovagakulasaṃbhūo, guṇuttaradharo munī | hariesa balo nāma, āsi bhikkhū jiiṃdio ||

vṛ. śvapākāḥ-cāṇḍālāsteṣāṃ kulam-anvayastasmin sambhūtaḥ - samutpannaḥ śvapākakulasambhūtaḥ, tatkiṃ tatkulotpattyanurūpa evāyamuta netyāha-guṇeṣūttarāḥ - pradhānā guṇottarāḥ - jñānādayaḥ tān dhārayati guṇottaradharaḥ, paṭhanti ca - 'anuttaradhare 'tti, tatra na vidyate uttaram - anyatpradhānameṣāmityanuttarāḥ, te ca prakramātprakarṣaprāptā jñānādaya eva guṇāstān dhārayatyanuttarodharo, yadvā anuttarān guṇān dhārayatītyanuttaradhara iti mayūravyaṃsakādiṣu draṣṭavyo, muṇati-pratijānīte sarvvaviratimiti muniḥ, śvapākakulotpanno'pi kadācitsaṃvāsādinā'nyathaiva pratītaḥ syādata āha- harikeśaḥ sarvatra harikeśatayaiva pratīto balo nāma-balābhidhānaḥ āsad- abhūta, tasya ca munitvaṃ pratijñāmātreṇāpi syādata āha-'bhikkhū' ttibhinatti yathāpratijñātenānuṣṭhānena kṣudhamaṣṭavidhaṃ vā karmeti bhikṣuḥ, ata eva jitāni - vaśīkṛtānīndriyāṇi - sparśanādīnyaneneti jitendriya iti sūtrārthaḥ || mū. (361 ) iriesaṇa bhāsāe, uccārasamiīsu ya |
jao āyāṇanikkheive, saṃjao susamāhio ||
vṛ.īraṇamīryyā eṣyata ityeṣaṇā anayordvandvastatastābhyāṃ sahitā bhāṣyata iti bhāṣā īryeṣaṇābhāṣeti madhyamapadalopī samāsaḥ, tasyāṃ tathā uccāraṃ purīṣapariṣṭhāpanamaṣīhoccāra uktaḥ, praśravaṇapariṣṭhāpanopalakṣaṇaṃ caitat, tadviṣayā samitiḥ- samyaggamanaṃ, tatra samyakpravarttanamitiyāvat, uccārasamitiḥ, tasyāṃ ca yatata iti yato-yatnavān, tathā ādānaṃ ca-grahaṇaṃ pīṭhaphalakādenikṣepaśca-sthāpanaṃ tasyaiva ādānanikṣepaṃ, tata ihāpi cakārānuvṛttestasmiṃśca, iha ca 'uccārasamiesu'tti ekatve'pi bahuvacanaṃ sūtratvāt, samitiśabdaśca madhyavyavasthito ḍamarukamaṇirivādyantayorapi sambadhyate, tataśca īryāsamitāveṣaṇāsamitau bhāṣāsamitāvādānanikṣepasamitāviti yojyaṃ, yadvā īryeṣaṇābhāṣoccāramitiṣvatyekameva padaṃ, 'bhāsāe' iti ca ekāro'lākṣaṇikaḥ, sa caivaṃ kīdṛgityāha- saṃyataḥ - saṃyamānvitaḥ susamāhitaḥ- suṣṭhusamādhimāniti sūtrārthaḥ || tathā

managutto vayagutto, kāyagutto jiiṃdio |

-