Uttarajjhayana v28.p323

v28.p323

uttarādhyayana-mūlasūtram-1-13/408 svanivāsasthānaṃ, nirūpitaṃ tatra satraṃ, khānitā ca tatra pratyayikapuruṣairjatugṛhaṃ yāvatsuraṅgā, jñāpitā'sau varadhanoḥ, itaśca gaṇitaṃ tatpariṇayanalagnaṃ, niṣpannaṃ ca jatugṛhaṃ, preṣitā ca mantravacanato'nyaiva kanyakā mātulena, samāgato lagnadinaḥ, kṛtaṃ sarvasamṛddhyopayamanaṃ, śāyitaśca rajanyāṃ jatugṛhe kumāraḥ, pradīpitaṃ ca taddvāra eva suptajanāyāṃ rajanyāṃ, jñātaṃ cāsannasthitena varadhanunā, utthāpitaḥ kumāro, dṛṣṭaṃ ca sarvataḥ pradīptametena, uktaśca varadhanu:-mitra! kimidānī kriyitāmiti, tenoktaṃ-mā bhaiṣīḥ, yataḥ prativihatamatra tātena, atrāntare cāgataṃ nāgakumāradvayānukāri bhuvanamudbhidya puruṣadvayam, abhyadhāśca tat-mā bhaiṣṭām, āvāṃ hi dhanorgṛhajātau dāsaceṭakau, takriyatāṃ prasādo, nirgamyatāṃ suṅgāmārgeṇa, ityuktau ca tau gatau suraṅgādvāraṃ, dṛṣṭaṃ ca tatra pradhānagaśvadvayam, uktaṃ ca tābhyāṃ ceṭakābhyām-etāvāruhya deśāntarāpakramaṇenātmānaṃ rakṣatāṃ dīrdhapṛṣṭhābhavantau yāvatkvacidavasara: śubho bhavati, tatastadvacanamākarṇya kiṃ kimetat ? ityākulitacetaso brahmadattasya kathitaḥ sarvo'pi varadhanunā culanīvṛttāntaḥ, abhihitaṃ ca-yathedamevedānīṃ prāptakālamiti, vinirgatau ca tatpradhānamaśvayugalamāruhyeti tṛtīyagāthātātparyārthaḥ|
evaṃ ca prāptāvasarā brahmadattahiṇḍī, tatastatra ye kanyālābhā ye ca tatpitarastadupadarśanāya gāthāpañcakamāhani.[339] citta a vijjumālā vijjumaī cittasenao bhaddā |
paṃthaga nāgajasā puna kittimaī kittiseno ya|| ni.[340] devī a nāgadattā jasavai rayaṇavai jakkhaharilo ya|
vacchī a cārudatto usabho kaccāiṇī ya silo|| ni.[341] dhanadeve vasumitte sudaṃsaṇe dārue ya niaḍille|
putthī piṃgala poe sāgaradatte a dīvasihā || ni.[ 342] kaṃpille malayavaī vanarāī siṃdhudatta somā ya|
taha siṃdhusena pajjunasena vāṇīra paigā ya || ni.[343] hariesā godattā kaṇerudattā kanerupaigā ya|
kuṃjarakaṇeruseṇā isivuḍḍī kurumaī devī|| vṛ. idaṃ ca sopaskāratayā vyākhyāyate-'citraśca' citranāmā janakastadduhitarau vidyunmālā vidyunmatī ca, tathā citrasenakaḥ pitā bhadrā ca taddahitā, tathā panthakaḥ pitā nāgajasā kanyakā, punaḥ samuccaye, tathā kīrtimatī kanyā kīrtisenaśca tatpitā| tathā devī ca nāgadattā yaśomatī ratravatī ca, pitā ca sarvāsāmapi yakṣaharilaḥ, 'caḥ' samuccaye, vacchī cakanyā cārudattaḥ pitā, tathā vṛṣabho janakaḥ, kātyāyanasagotrā tatsutā śilā nāma|
tathā dhanadevo nāma vaṇik aparaśca vasumitro'nyaśca sudarśano dārukaśca nikṛtimān' māyāparaḥ, catvāro'mī kukkuṭayuddhavyatikaremilitāstatra ca pustī nāma kanyakā, tathā piṅgalā nāma kanyā potaśca tatpitā, sāmastattaśca vaṇik tadaṅgajā ca dīpaśikhā| tathā kāmpilyaḥ pitā malayavatī duhitā, tathā vanarājī nāma kanyā tajjanakaśca sindhudattaḥ, tathā tasyaivānyā somā ca nāma kanyā, tathā sindusenapradyumnasenayoryathākramaṃ vānīranāmnī pratikābhidhānā ceti, paṭhyate ca ‘pratibhā