Uttarajjhayana v28.p325

v28.p325

uttarādhyayana-mūlasūtram-1-13/408 niṭakavartī kaṭapādapaḥ, śāyitastatra śītalacchāye tatpallavoparacitaśrastare brahmadattaḥ, kṛtaśca varadhanunā tena saha saṅketaḥ- yathā yadi māṃ kathañciddīrdhaprahitapuruṣāḥ prāpsyanti tato'hamanyoktyā'bhijñānaṃ kariṣye, tata itastvayā palāyitavyamiti, gato'sau jalānveṣaṇāya, dṛṣṭaṃ caikatrapadminīkhaṇḍamaṇḍitaṃ sara:, gṛhītaṃ ca padminīpatrapuṭake jalaṃ, pravṛttasya ca brahmadattābhimukhamāgantuṃ grahaṇaṃ tadvaṭāsannadeśe, kathañcidupalabdhatadapasaraṇavṛttāntairdīrghapṛṣṭhaprahitapurupairatiroṣavadbhirvaradhanorbandhanaṃ vallīvitānena ākrośanaṃ caiva duṣṭavacasā kṛtaṃ | anyacca-sahanyate muṣṭiprahārādibhiramātyo-varadhanuḥ, bhaṇyate ca-yathā 'dehī ti ḍhokya kumāramare ! durācāra ! kva punarasau nītastvayā rājaputra iti?, atrāntare saṅketamanusaratā paṭhitamidamanena
'sahakāramañjarīmanudhāvati madhupo vimucya madhu madhuram |
kamale kalayan paścātsaṅkocakṛtāṃ khatanubādhām||' gulīyavireyaṇapīto'tti prākṛtatvātpītavirecanagulikaḥ, sa hi tairgrahītumupakrānto'nyathā''tmano vimuktimanavagacchan pūrvalabdhāṃ virecanaguṭikāṃ prathamameva payasā pītavān, viraktaśca tayā, jātāśca mukhe phenabubudāḥ, evaṃ ca kapaṭena mṛtaḥ kapaṭamṛto mṛta iti 'charditaḥ' tyaktastaiḥ | itaśca tatpaṭhitaṃ śrutvā kumāro 'bhītaḥ' iti trastaḥ 'atha' anantaram 'uppahaṃ'ti utpathena 'palāyittha'tti palāyitavān, tathā cataṃ palāyamānamavalokya kṛtvā sthavirarūpaṃ devaḥ kimasya sattvamastyuta neti parīkṣaṇārthaṃ 'vāhesia'tti vāhitavān vyaṃsitavānityarthaḥ kuvāraṃ |
tataśca paribhramato vaṭapurakaṃ tasmācca brahmasthalakaṃ vaṭasthalakaṃ caiva bhavati viśrāmaviṣayaḥ kauśāmbī vārāṇasī rājagṛhaṃ giripuraṃ mathurā ahicchatrā ca|
tato'pi gacchatā'raṇyānīṃ praviṣṭena dṛṣṭāstāpasāḥ, pratyabhijñātaśca tairbrahmarājasyāsmannijakasya suta iti, dhṛtaścāturmāsī, tatra ca tāpasakumārakai: saha krīḍataikasmin dine'valokito vanahasti, samutpannaṃ ca nṛpasutasulabhamasya kutūhalaṃ, prārabdhaśca vividhagajaśikṣābhiramuṃkhedayituṃ, ārūḍhaśca niṣpandīkṛtya tatpṛṣṭhaṃ, pravṛttaścāsau kumārāpaharaṇāya, vīkṣitaśca kiyadapi dūraṃgatenaikastaruḥ, lagnaśca tadadho vrajati hastini viṭapaikadeśe kumāraḥ, apakrānte ca kariṇi tatastarorittīrya vimūḍhadigbhāgo bhramitumārebhe, bhrāmyaṃścāraṇyādvinirgatya gato vaṭapuraṃ, vaṭapurācca prasthitaḥ śrāvasti, gacchaṃśca prāptastathāvidhamekamantarā grāmaṃ, upaviṣṭaśca tannikaṭaviṭapini viśramituṃ, dṛṣṭaścaikena tatratya śreṣṭhinā, nītaśca tena svaṃ gṛhaṃ, kṛtaṃ cābhyāgatakarttavyaṃ, pariṇāyitaśca nemittikādeśataḥ svaduhitaraṃ, upacaritaśca bhujaganirmokasadṛśaivividhavasanairlagnendranīlādipradhānamaṇibhiḥ kaṭakakeyūrakuṇḍalādibhiścābharaṇaiḥ, tatastadguṇalubdhamānasaḥ sthitastatraiva kiyatkālaṃ, janayati tadā tadduhitari kumāra| ___ itaśca prāptāḥ kṛtāntānukāriṇo dīrghapṛṣṭhaprahitapuruṣāḥ, prārabdhāḥ samantatastamavalokituṃ, upalabdhatadvṛttāntaśca naṣṭastadbhayāt, pracalitaśca supratiṣṭhapurābhimukhaṃ gantuṃ, tatra ca militaḥ kaścidviṭa: kārpaṭiko, dṛṣṭaṃ cābhimukhamāgacchat kiñcit tathāvidhaṃ mithunakaṃ, dṛṣṭvā ca tadaṅganāṃ udārarūpāṃ kumāramayamavocat-yadi yuṣmatprasādataḥ kathañcidenāṃ kāmayeya iti, tatastaduparodhāttenoktaṃ-praviśa tahi vaṃśīkuḍaṅga, sthitaḥ pathi kumāraḥ prāptaṃ ca mithunaṃ, uktastatpatiḥmadīyaṃ kalatramiha garbhaśūlābhyāhatamāste tadvisarjaya kṣaṇamekaṃ svakīyapatnī, visarjitā cāsau