Uttarajjhayana v28.p371

v28.p371

uttarādhyayana-mūlasūtram-1-16/536
dhammārāmarae daṃte, baṃbhacerasamāhie| vṛ. dharma ārāma iva pāpa santāpopataptānāṃ jantūnāṃ nirvṛttihetutayā'bhilaṣitaphalapradānataśca dharmārāmastasmin ‘caret' gacchet pravartetetiyāvat, yadvā dharme ā-samantādramata iti dharmārāmaḥ 'saṃcaret' saṃyamādhvani yāyād bhikṣuḥ prāgvat 'dhṛtimān' dhṛtiḥ-cittasvāsthyaṃ tadvān, sa caivaṃ dharmasārathiḥ-"ṭhio u ṭhāvae paraṃ" iti vacanādanyeṣāmapi dharme pravarttayitā, tato'nyānapi dharme vyavasthitānupalabhya viśeṣato dharmārāme rataḥ- āsaktimān dharmārāmarataḥ, tathā ca 'dāntaḥ' upaśānto brahmacarye samāhitaḥ-samādhānavān brahmacaryasamāhita iti sūtradvayārthaḥ || brahmacaryaviśuddhayartho'yaṃ sarvo'pyupakrama iti tanmāhātmyamāhama. (537) devadānavagaṃdhavyā, jakkharakkhasakinnarā|
baṃbhayāriṃ namasaṃti, dukkaraṃ je karaṃti taṃ || vṛ.devāḥ-jyotiṣkavaimānikā: dānavāḥ- bhuvanapatayaḥ gandharvayakṣarākṣasakinnarāḥ-vyantaraviśeṣāḥ samāsaḥ sukara eva, upalakṣaṇaṃ caitadbhūtapiśācamahoragakiṃpuruṣāṇām, ete sarve'pi 'brahmacāriṇaṃ' brahmacaryavantaṃ yatimiti śeṣaḥ, 'namasyanti' namaskṛrvanti 'duṣkaraṃ' kātarajanaduranucaraṃ 'je' iti yaḥ 'karoti' anutiṣṭhati 'tadi'ti prakramādbrahmacaryamiti sūtrārthaḥ ||
samprati sakalādhyayanārthopasaṃhārāmāhamū. (538) . esa dhamme dhuve niyae, sāsae jinadesie|
siddhā sijjhati cānenaṃ, sijjhissaṃti tahāpare|| vṛ. 'eṣaḥ' ityanantaroktaḥ dharmaḥ' brahmacaryalakṣaṇaḥ, dhruvaḥ parapravādibhiraprakampyatayā pramāṇapratiṣṭhita itiyāvat 'nityaḥ' apracyutānutpannasthiraikasvabhāvo dravyārthitayā 'śāśvata:' śaśvadanyānyarūpatayā utpanna(:)paryāyārthitayā, yadvā 'nityaḥ' trikālamapi sambhavāt 'śāśvata:' anavaratabhavanāt, ekārthikāni vā nānādeśajavineyānugrahārthamuktāni, jinaiḥ-tīrthakṛbhirdeśita:pratipādito jinadeśitaḥ, asyaiva trikālagocaraphalamāha-'siddhāḥ' purā anantāsūtsapiṇyavasarpiṇīṣu siddhayanti 'caḥ' samuccaye mahāvidehe ihāpi vā tatkālāpekṣayā 'anena' iti brahmacaryalakṣaṇena dharmeṇa setsyanti tathā pare' anye'nantāyāmanāgatāddhāyāmiti sūtrārthaḥ || iti' parisamāptau bravīmīti pūrvavat | ukto'nugamaḥ, samprati nayāste ca pūrvavat ||
adhyayanaṃ 16 samāptam muni dīparatnasāgareṇa saṃśodhitā sampāditā uttarādhyayasūtre ṣoḍaśaadhyayanasya bhadrabāhusūriviracitā niyuktiḥ evaṃ śāntyācāryaviracitā ṭīkā parisamāptam
|43-1 caturtha-mūlasūtraṃ "uttarādhyanāni-1" samāptam