Uttarajjhayana v28.p6

v28.p6

namo namo nimmala saṇassa paṃcama gaṇadhara śrī sudharmā svāmine namaḥ
|43 uttarādhyayanāni-mūlasūtram -1
saṭīkaṃ
__ [caturthaṃ mūlasūtraṃ] [ pūrvoddhat-jinabhāṣita-ṛṣi praṇita mūlam bhadrabāhusvāmi racitāniyuktiḥ
+ śāntyācārya viracitāvṛtiḥ]
śivadāḥ santu tīrtheśā, vighnasaṅghātaghātinaḥ| bhavakūpoddhatau yeṣāṃ, vāgvaratrāyate nṛṇām ||1||
samastavastuvistāre, vyāsarpattailavajjale| jīyāt śrīśāsanaṃ jainaṃ, dhīdīpoddīptivarddhanam||2|| yatprabhāvādavāpyante, padārthāḥ kalpanāṃ vinā|
sā devī saṃvide naḥ stādastakalpalatopamā ||3|| vyākhyākṛtāmakhilaśāstraviśāradānāṃ, sūcyagravedhakadhiyāṃ śivamastu teṣām | yairatra gāḍhataragūḍhavicitrasūtragranthivibhidya vihito'dya mamāpi gamyaḥ ||4||
adhyayanāmāmeṣāṃ yadapi kṛtāñcūrṇivṛttayaḥ kṛtibhiḥ|
tadapi pravacanabhaktistvarayati māmatra vṛttividho ||5|| vṛ.iha khalu sakalakalyāṇanibandhanaṃ jināgamamavāpya vivekinaivaṃ vivecanīyaṃ-yaduta mahārtho'yaṃ manorathānāmapyapathabhūto bhūrijanmāntaropacitapuṇyaparipākato mahānidhirivamayā'dhigataḥ, tathāhi-mahati saṃsāramaṇḍale'smin mānasādidaṇḍairabhihanyamānāḥ kaṣṭeneṣṭaviśiṣṭārthāṃ mahāpurīmiva manujagatimanupraviśanti jantavaḥ, anupraviśyāpi cāsyāmaurdhvarathyikā ivākṛtasukṛtasambhārā nirīkṣitumapi nainaṃ kṣamante, kimaṅgapunaravāptumiti?, etadavāptau sarvathā kṛtārtho'smi, sambhavati cāsyāṃ svopakāravatparopakāre'pi śaktiriti nedānī yuktā kadaryatā, kintu ?, bhavitavyamudārāśayena, paropakārapūvikaiva ca svopakārapravṛttirudārāśayatāṃkhyāpayatīti paropakāraevāditaḥ pravartitumucitam | santi cāsmin mahitamāhātmyāḥ samīhitasampādakāśca maṇaya iva caraṇakaraṇādigocarācārādyaṅgānuyogāḥ, na caita idānīṃ samyagdarśanādihetuṃ mithyātvādipiśācaśamanaṃ dharmakathātmakottarādhyayanāyogaṃ rakṣāvidhānamivāpahāya svayaṃ grahītumanyasmai vā dātuṃ yujyante, ityārabhyata uttarādhyayanānuyogaḥ-tatra ca na tathāvidhaphalādiparijñāna vikalā prekṣāvatāṃ pravṛttiḥ, tasyāstadyāpakatvāda, vyāpyasya ca vyāpakāvinābhāvitvāt, ataḥ prekṣavatpravṛttyaṅgatvāt phalayogamaṅgalasamudāyārthānuyogadvāratabhedaniruktikramaprayojanāni vācyāni | yacca śabdasyā