Uttarajjhayana v28.p78

v28.p78

sasya tadvidhānamarthata uktaṃ, jñānādihetutvāttasya, uktaṃ ca
"nāṇassa hoi bhāgī thirayarato daṃsaṇe caritte ya |
75
dhannā āvakahāe gurukulavāsaṃ na muṃcati ||"
athavā 'āmusaṃtena' āmṛśatā bhagavatpādāravindaṃ bhaktiḥ karatalayugādinā spṛśatā, anenaitadāha-adhigatasamastaśāstreṇāpi guruvi śrāmaṇādivinayakṛtyaṃ na moktavyam, uktaṃ hi"jahāhiaggī jalaṇaṃ namase, nānāhuīmaṃtapayāhisittaṃ |
-
evāyariyaṃ uvaciṭṭhaejjāa, anaṃtanānovagato'vi saṃto || "tti,
yadvā-'āusaṃtenaṃ 'ti prākṛtatvena tiḍavyatyayādājuṣamāṇena śravaṇavidhimaryādayā gurūn sevamānena, anenāpyetadāha-vidhinaivocitadeśasthena gurusakāśāt śrotavyaṃ, na tu yathākathañcid, guruvinayabhītyā guruparṣadutthitebhy vā sakāśāt, yathocyate- "parisuṭṭhiyāṇa pāse suṇei so vinayaparibhaṃsi "tti yaduktaṃ 'bhagavatā ākhyātaṃ dvāviṃśatiḥ parīṣahā: ' santīti, tatra kiṃ bhagavatā anyataḥ puruṣaviśeṣādapauruṣeyogamāt svato vā amī avagatā ityāha- śramaṇena bhagavatā mahāvīreṇa kāśyapena 'paveiya'tti sūtratvāt praviditāḥ, tatra śrāmyatīti śramaṇaḥ tapasvī tena, na tu "jñānamapratighaṃ yasya, vairāgyaṃ ca jagatpateḥ | aiśvaryaṃ caiva dharmaśca, sahasiddhaṃ catuṣṭayam ||"
itikaṇādādiparakalpitasadāśivavadanādisaṃsiddhena tasya dehādivirahāt tathāvidhaprayatnābhāvenā''khyānāyogād, uktaṃ ca
"vayaṇaṃ na kāyajogābhāve na ya so anādisuddhassa | gaṇammiya no hetū satthaṃ attāgamo kaha nu || "
'bhagavaṃte'ti ca samagrajñānaiśvaryādisūcakena sarvajñatāguṇayogitvamāha, tathā ca yat kaiściducyate'heyopādeyatattvasya, sādhyopāyasya vedakaḥ |
yaḥ pramāṇamasāviṣṭo, na tu sarvasya vedakaḥ ||' iti,
tadvyudastaṃ bhavati, asarvajño hi na yathāvatsopāyaheyopādeyatattvavidbhavati, pratipāṇi bhinnā hi bhāvanāmupayogaśaktyaḥ, tatra ko'pi kasyāpi kathamapi kvāpyupayogīti kathaṃ sopāyaheyopādeyatattvavedanaṃ sarvajñatāṃ vinā sambhavatīti, 'mahāvīreṇa 'ti śakrakṛtanāmnā caramatīrthakareṇa, 'kāśyapena' kāśyapagotreṇa, anena niyatadeśakālakulābhidhāyinā sakaladeśakālakalāvyāpipuruṣādvaitanirākaraṇaṃ kṛtaṃ bhavati, tatra hi sarvasyaikatvādayamākhyātā'smai vyākhyeyamityādivibhāgābhāvata ākhyānasyaiyasambhava iti, 'praviditāḥ ' prakarṣeṇaa-svayaṃsākṣātkāritvalakṣaṇena jñātāḥ, anena buddhivyavahitārtha paricchedavādaḥ parikṣipto bhavati, svayasākṣātkārī hi pradīpahastāndhapuruṣavadvayatiriktibuddhiyogo'pi kathaṃ kañcanārthaṃ paricchettu kṣamaḥ syād ?, evaṃ caitaduktaṃ bhavati nānyataḥ puruṣaviśeṣādete'vagatāḥ, svayaṃsambuddhatvādbhagavataḥ, , nāpyapauruṣeyāgamāt, tasyaivāsambhavād, apauruṣeyatvaṃ hyāgamassya svarūpāpekṣamarthapratyāyanāpekṣaṃ vā ?, tatra yadi svarūpāpekṣaṃ tadā tālvādikaraṇavyāpāraṃ vinaivāsya sadopalambhaprasaṅgaḥ, na cāvṛtatvāt nopalambha iti vācyaṃ, tasya sarvathā nityatve āvaraṇasyākiñcitkaratvāt, kiñcikaratve vā