Uttarajjhayana v28.p87

v28.p87

uttarādhyayana- mūlasūtram - 1-2 / 60 parasparaṃ virudhyadbhirvilupyante diśodiśam ||2|| kākagṛdhrādirūpaiśca, lohatuṇḍairbalānvitaiḥ | vinikṛṣṭākṣijihvāntrā, viceṣṭante mahītale ||3|| prāṇopakramaṇairghorairduḥkhairevaṃvidhairapi I āyuṣyakṣapite naiva, mriyante duḥkhabhāginaḥ ||4|| ityādi,
tathā asaṃjñina ete āhārarthinaśca bhojyameteṣāṃ maccharīraṃ bahusādhāraṇaṃ ca yadi bhakṣayanti kimatra pradveṣeṇeti ca vicintayan tadupekṣaṇaparo na tadupaghātaṃ vidadhvāditi sūtrārthaḥ || idānīṃ pathidvāraṃ, tatra ‘spṛṣṭo daṃśamaśakai 'rityādisūtrasūcitamudāharaṇamāhani. [ 93] caṃpāe sumaṇubho juvarāyā dhammaghosasīyo ya | paṃthaṃmi masagaparipīyasoṇio so'vi kālagao ||
84
vṛ. campāyāṃ sumanobhadro yuvarājo dharmmaghoṣaśiṣyaśca pathi maśakaparipītaśoṇitaḥ so'pi kālagata iti gāthākṣarārthaḥ || bhāvārthastu vṛddhasampradāyādavaseyaḥ, sa cāyam
caṃpā nayarīe jiyasattussa rano putto sumaṇabhaddo juvarāyā, dhammaghosassa aṃtira dhammaṃ soūṇa nivviṇṇakāmabhogo pavvaito, tāhe ceva egallavihārapaḍimaṃ paḍivanno, pacchā heṭṭhā bhūmīe viharato sarayakāle aḍavīe paḍimāgato ratiṃ masaehiṃ khajjai, so te na pamajjai, samma sahai, rattī pīyasoṇito kālagato| evaṃ ahiyāseyavvaṃ || ityavasito daṃśamaśakaparīṣahaḥ || adhunā acelaḥ saṃstaistudyamāno vastrakambalādyanveṣaṇaparo na syādityacelaparīṣahamāhaparijunehi vatthehiṃ, hokkhāmitti acelae|

aduvā sacelae hokkha, iha bhikkhaṃ na ciṃtae |
vṛ. 'parijīrṇaiḥ' samantāt hānimupagataiḥ 'vastraiḥ' śāṭakādibhiḥ, 'hokkhāmitti' itibhinnakramaḥ tato bhaviṣyāmi 'acelaka:' celavikalaḥ alpadinabhāvitvādeṣāmiti bhikṣurna vicintayet, athavā ‘sacelakaḥ' celānvito bhaviṣyāmi, parijīrṇavastraṃ, hi mā dṛṣṭvā kaścit śrāddhaḥ sundaratarāṇi vastrāṇi dāsyatīti bhikṣurna cintayet idamuktaṃ bhavati - jīrṇavastraḥ sanna mama prākparigṛhītamaparaṃ vastramasti na ca tathāvidho dāteti na dainyaṃ gacchet, na cānyalābhasambhāvanayā pramuditamānaso bhavediti sūtrārthaḥ || itthaṃ jīrṇādivastratayā acelaṃ sthavirakalpikamāśrityācela. parīṣaha uktaḥ, samprati tameva sāmānyenāha

egayā acelae hoi, sacele yāvi egayā| eyaṃ dhammahiyaṃ naccā, nāṇī no paridevae ||
vṛ. 'ekadā' ekasmin kāle jinakalpapratipattau sthavirakalpe'pi durlabhavastrādau vā sarvathā celābhāvena sati vā cele vinā varṣādinimittaprāvaraṇena jīrṇādivastratayā vā 'acelaka' iti avastro'pi bhavati, paṭhyate ca 'acelae sayaṃ hoi 'tti tatra svayam - ātmanaiva na parābhiyogataḥ, 'sacela: ' savastraścāpyekadā sthavirakalpikatve tathāvidhālambanenāvaraṇe sati yadyevaṃ tataḥ kimityāha- 'etadi 'tyavasthaucityena sacelatvamacelatvaṃ ca dharmmā-yatidharmmaḥ tasmai hitamupakārakaṃ dharmmahitaṃ ‘jñātvā' avabuddhaya, tatrācelakatvasya dharmmahitatvamalpapratyupekṣādibhiḥ,