Uttarajjhayana v28.p88

v28.p88

adhyayanaṃ - 2

85
"paṃcahi ṭhāṇehiṃ purimapacchimāṇaṃ arahaṃtāṇaṃ bhagavaṃtāṇaṃ acelae pasatthe bhavai, taṃ jahāappā paḍilehā 1, vesāsie rūve 2, tave anumae 3, lāghave pasatthe 4, viule iṃdiyaniggahe 5” tti, sacelatvasya tu dharmopakāritvamanyādyārambhanivārakatvena saṃyamaphalatvāt, 'jñānī' nagnā eva prāyastiryagnārakāḥ tadbhavabhayādeva ca mayā santyapi vāsāṃsyapāsyanta ityevaṃ bodhavānno paridevayet, kimuktaṃ bhavati ? - acela : san kimidānīṃ śītādipīḍitasya mama śaraṇamiti na dainyamālambeta iti sūtrārthaḥ | iha ca kecinmithyātvākulitacetasa idamitthaṃ mahārthakarmmapravādapūrvoddhṛtaprastutādhyayanādhītamapi sacelatvaṃ tathā
samyaktvajñānaśīlāni, tataścetīha siddhaye | teṣāmupagrahārthāya smṛtaṃ cīvaradhāraṇam ||1|| jaṭī kūrcī śikhī muṇḍī, cīvarī nagna eva ca | tapyannapi tapa: kaṣṭaṃ, mauḍhyaddhistro na siddhayati ||2|| samyagjñānī dayāvāṃstu, dhyānī yastapyate tapaḥ | nagnaścīvaradhārī vā sa siddhayati mahāmuniḥ || 3|| iti
vācakavacanānūditaṃ cānucitamityāhuḥ, tān prati vaktumupakramyate - iha yo yadarthī na sa tannimittopādānaṃ pratyanādṛto, yathā ghaṭārthī mṛtpiṇḍopādānaṃ prati, cāritrārthinaśca yatayastannimittaṃ cacīvaramiti, na cāsyāsiddhatvaṃ, taddhi tasya tadanimittatayā syāt, sā ca tatrāsya bādhāvidhāyitayaudāsīnyena vā ?, na tāvadvādhāvidhāyitayā, yato'sau pañcamavratavighātakatvena saṃsaktiviṣayatayā kaṣāyakāraṇatvena vā ?, yadi pañcamavratavighātakatvena, tadapi kutaḥ ?, yukti iti cet, nanviyaṃ svatantrā siddhāntādhīnā vā ?, yadi svatantrā tataḥ salomā maṇḍūkaścatuṣpāttve satyutplutya gamanāt, mṛgavat, alomā vā hariṇaḥ, catuṣpāttve satyuplutya gamanāt, maṇḍūkavadityādivanna nirmūlayukteḥ sādhyasādhakatvam, uktaṃ hi -
"yatnenānumito'pyarthaḥ, kuśalairanumātṛbhiḥ | abhiyuktarairanyairanyathaivopapādyate ||"
siddhāntādhīnayuktistu tathāvidhasiddhāntābhāvādasambhavinī, athāstyasau 'gāme vā nagare vā appaṃ vā bahuṃ vā jāva no parigiṇhejjā' ityādiḥ, tadanugṛhītā yuktiśca yadyatparigrahasvarūpaṃ tattadupādīyamānaṃ pañcamavratavighāti, yathā dhanadhānyādi, parigrahasvarūpaṃ ca cīvaramiti, nanvasiddho'yaṃ hetu:, tathāhi-parigrahasvarūpatvamasya kiṃ mūrcchāhetutvena dhāraṇādimātreṇa vā ?, yadi mūrcchāhetutvena, śarīramapi mūrcchāyā heturna vā ? na tāvadahetuḥ, tasyāntaraṅgatvena durlabhataratayā ca viśeṣatastaddhetutvād, uktaṃ ca
44
'aha kuṇasi thullavatthāiesu mucchaṃ dhuvaṃ sarīre'vi |
akvejjadullabharate kāhisi mucchaṃ viseseṇa ||"
athāstu tannimittametat, tarhi cīvaravattasyāpi kiṃ dustyajatvena muktyaṅgatayā vā na prathamata eva parihāraḥ ?, dustyajatvena cet tadapi kimaśeṣapuruṣāṇāmuta keṣāñcideva ?, na tāvadaśeṣapuruṣāṇāṃ, dṛśyante hi bahavo vahnipraveśādibhiḥ śarīraṃ parityajantaḥ, atha keṣāñcit, tadā vastramapi