Uttarajjhayana v28.p94

v28.p94

na kiṃci jāṇaha, te ruṭṭhā uddhāiyā, tena ghettuṃ tesiṃ nijuddhaṃ jāṇaṃtaeṇa savve saṃdhī khoiyā, paḍhamaṃ tāva piṭṭiyā, te hammaṃtā rāḍi kareṃti, pariyaṇo jāṇai - so esa pavvaio hammaṃto rāḍi karei, so'vi gato, pacchā tehiṃ diṭṭhā, navi jīvaṃti, navi maraṃti, navaraṃ nirikkhaṃti ekkekkaṃ diṭṭhīe, pacchā sno siddhaṃ purohiyassa ya-jahā ko'vi pavvaiyago, tena do'vi jaṇā saṃkhalettūṇa mukkā, pacchā rāyā savvabalenāgato pavvaigāṇa mūle, so'vi sāhū ekkapāse acchai pariyaṭṭaṃto, rāyā āyariyāṇaṃ pāe paḍio, pasāyamāvajjaha, āyario bhaṇai- ahaṃ na yāṇāmi, mahārāya ! ittha ego sāhū pāhuṇo, jai paraṃ tena hojjā, rāyā tassa mūlamāgato, paccabhinnāo ya, tato tena sāhuṇā bhaṇito-dhiratthu te eyattaṇassa, jo tumaṃ appaṇo puttamaṃḍāṇavi niggahaṃ na karesi, pacchā rāyā bhaṇai-pasāyaṃ kareha, bhaṇai - jai paraṃ pavvayaṃti to ṇaṃ mokkho, annahā natthi, rāiṇā purohieṇa ya bhaṇṇai-evaṃ hou, pavvayaṃtu, pucchiā bhāṃti - pavvayāmo, puvvaṃ loo kato, pacchā mukkā, pavvaiyā | so ya rāyaputto nissaṃkio ceva dhammaṃ karei, purohiyaputtassa puṇa jāimao, amhe maḍḍāe pavvāviyā, evaṃ te do'vi kālaṃ kāūṇa devalogesu uvavannā |
ioa ya kosaṃbīe nayarīe tāvaso nāma seṭṭhī, so mariūṇa niyaghare sūyaro jāo, jātissaro, tato tassa ceva divasage puttehiṃ mārito, pacchā tahiṃ ceva ghare urago jāo, tarhipi jāissaro jāto, tattha'vi aṃto ghare mā svāhititti mārito, pacchā puṇo'pi puttassa putto jāto, tatthavi jāī saramāṇo citeikiṃhamahaṃ appaṇo suṇhaṃ aṃmaṃti vāharihāmi, puttaṃ vā tāyaṃti, pacchā mūyattaṇaṃ karei, pacchā mahaṃtībhūo sāhūṇaṃ allīṇo, dhammo'nena suto |
ito ya so dhijjāiyadevo mahāvidehe titthayaraṃ pucchai-kimahaṃ sulahabohio dullabhabohiotti ?, tato sāmiṇā bhaṇito- dullabhabohio'si, puṇo'vi pucchai - kattha'ha uvavajjiukāmo ?, bhagavayā bhaṇṇai - kosaṃbīe mūyassa bhāyā bhavissasi, so ya mūo pavvaissai, so devo bhagavaṃtaṃ vaṃdiūṇa gao mūyagassagāsaṃ, tassa so bahuyaṃ davvajāyaṃ dāūṇa bhaṇai - ahaṃ tujjha piudhare uvavajjissāmi, tīse ya dohalao aṃbaehiṃ bhavissai, amuge pavvae aṃbago sayāpupphaphalo kao mae, tumaṃ tāe purao nāmagaṃ lihijjāsi, jahā- tubbhaṃ putto bhavissai, jai taṃ mama desi to te ānemi aṃbaphalāṇitti, tao mamaṃ jāyaṃ saṃtaṃ tahā karijjāsi jahā dhamme saṃbujjhāmitti, tena paḍivane gato devo |
annayā kativayadivasesu cauūṇa tīe gabbhe uvavanno, akāle aṃbadohalo jāo, samūyago nāmagaṃ lihati-jai mama gabbhaṃ desi tā ānemi aṃbagāṇi, tāe bhaṇṇai dijjatti, tena āniāṇi aṃbaphalāṇi, avanīo dohalo, kālena dārago jāo, so taṃ khuḍḍagaṃ ceva hotaṃ sāhūṇa pāesu pāḍei, so dhāhāto, kareti, na ya vaṃdati, pacchā saṃtaparitaṃto mūgo pavvaito, sāmannaṃ kāūṇa mato, tena ohī pattā, jāva neṇa so diṭṭo, pacchā nena tassa jaloyaraṃ kayaṃ, jena na sakketi uṭṭhiuṃ, savvevejjehiṃ paccakkhāto, so devo ḍoṃbarūvaṃ kāūṇa ghosaṃto hiṃḍai-ahaṃ vejjo savvagāhī uvasamemi, so bhaṇai-majjhaṃ poṭṭaṃ sajjavehi, tena maṇiyaṃ tubbhaṃ asajjho vāhī, yadi paraṃ tumaṃ mamaṃ ceva olaggasi to te sijjhāvemi, so bhaṇati vaccāmi tena sajjhavito, gato tena saddhi, tena tassa satthakosago allavito, so tāe devamāyāe atīva bhārito, jāva pavvaiyā egaṃmi