Uttarajjhayana v29.p147

v29.p147

uttarādhyayana-mūlasūtram-2-28/1103 sūtrārthaḥ | itthaṃ samyaktvasya liṅgānyabhidhāya samprati tasyaiva māhātmyamupadarśayannidamāhamū.(1104) natthi caritaṃ saṃmattavihūṇaṃ daṃsaṇe u bhaiyavvaṃ|
saṃmattacarittāī jugavaṃ puvvaṃ va saṃmattaṃ || mū.(1105) nādaṃsaṇissa nāṇaṃ nānena vinā na huṃti caraṇaguṇā|
aguṇissa natthi mukkho natthi amukkhassa nivvāṇaṃ | vṛ. 'nāsti' na vidyate upalakṣaṇatvānnāsīnna ca bhaviṣyati, kiṃ tat ?-cāritraṃ kīdṛk ?'samyaktvavihīnaṃ' darśanena virahitaṃ, kimuktaṃ bhavati?-yāvanna samyaktvotpādo na tāvaccāritraṃ, kimevaṃ darśanamapi cāritre niyatamityāha-'darśane tu' samyaktve punaḥ sati bhaktavyaṃ bhavati vā na vā, prakramāccāritram, ato na tattatra niyataṃ, kimityevamata āha-samyaktvacāritre 'yugapad' ekakālamutpadyate iti śeṣaḥ | 'puvvaṃ vatti pūrvaṃ cāritrotpādāt samyaktvamutpadyate tato yadā yugapadutpādastadā tayoḥ sahabhāvaḥ, yadā tu tathāvidhakṣayopaśamābhāvato na tathotpādastadā satyapi samyaktve na cāritramiti taddarśane bhājyamucyate|
anyacca “nādarśaninaḥ' darśanavirahitasya 'jñāna'miti samyagjñānaṃ 'jñānena vinā' jñānavirahitāḥ 'na bhavanti' na jāyante, ke te?-caraṇaguṇāḥ, tatra ca caraṇaṃ-vratādi guṇāḥ-piṇḍaviśuddhādayaḥ, 'aguṇinaḥ' avidyamānaguṇasya caraṇavinābhāvitvādyathoktaguṇānāmāvidyamānacaraṇa ca, yadivā prāk caraṇāntargatā guṇāścaraṇaguṇā iti vyākhyātāstata ihāpita eva gṛhyante, nāsti 'mokṣaḥ' sakalakarmakṣayalakṣaṇo, nāstyamuktasya karmaṇeti gamyate 'nivārṇa' nirvṛttirmuktipadaprāptiritiyāvat, tadatra pūrvasūtreṇa muktyanantarahetorapi cāritrasya samyaktvabhāva eva bhavanaṃ tanmāhātmyamuktam, anantarasūtreṇa tūttarottaravyatirekadarśaninā śeṣaguṇānāṃ, vyatirekasyānvayākṣepakatvāditi sūtradvayārthaḥ ||
asya cāṣṭavidhācārasahitasyaivottarottaraguṇaprāptihetuteti tānādarśayitumāhamū.(1106) nissaṃkiya nikkaṃkhiya nivvitigicchaṃ amūḍhadiṭṭhī ya|
uvavūhathirīkaraṇaṃ vacchallapabhāvaṇe'drute|| vṛ. śaṅkanaṃ śaṅkitaṃ-deśasarvaśaṅkātmakaṃ tasyābhāvo niḥśaṅkitaṃ, evaṃ kāśaṇaṃ kāṅkitaṃyuktiyuktatvādahiṃsādyabhidhāyitvācca śākyolūkādidarśanānyapi sundarāṇyevetyanyānyadarśanagrahātmakaṃ tadabhāvo niṣkāsitaṃ, prāgvadubhayatra bindulopaḥ, vicikitsā-phalaṃ prati sandeho yathā-kimiyata: kleśasya syāduta neti?, tantranyāyena 'vidaḥ' vijñāḥ te ca tattvataḥ sādhava eva tajjugupsā vā yathā-kimamī yatayo maladigdhadehā:?, prāsukajalasnāne hi ka iva doṣaḥ syādityādikānindā tadabhāvo nivicikitsaṃ nivijugupsaṃ vā, ārṣatvācca sūtra evaṃ pāṭhaḥ, 'amūḍhā' ṛddhimatkṛtīthikadarśane'pyanavagītamevāsmadarśanamiti mohavirahitā sā cāsau dṛṣṭiśca buddhirūpā amūḍhadṛṣṭiḥ, sa cāyaṃ caturvidho'pyāntara ācāraḥ, bāhyaṃ tvāha
'uvavūha'tti, upabṛṃhaṇamupabṛṃhā-darśanādiguṇānvitānāṃ sulabdhajanmāno yūyaṃ yuktaṃ ca bhavādṛśāmidamityādivacobhistattadguṇaparivarddhanaṃ sā ca sthirīkaraṇaṃca -abhyupagama (ta) dharmānuṣṭhānaṃ prati viṣīdatāṃ sthairyāpādanamaṃpaḻahāsthirīkaraṇe, vatsalabhāvo vātsalyaṃ-sādharmikajanasya