Uttarajjhayana v29.p200

v29.p200

197 purataḥ śikṣakagamanādikāsu vā samavāyāṅgābhihitāsu yo bhikṣuryatate yathāyogaṃ samyakśraddhānāsevanāvarjanādinetyekonaviṃśatisūtrārthaḥ || adhyayanārthaṃ nigamayitumāhamū. (1246) ii eesu je bhikkhū, ṭhāṇesu jayaī sayā|
khippaṃ se savvasaṃsārā, vippamuccai paṃḍie| tibemi|| vṛ. 'itī' tyanena prakāreṇa 'eteṣu' anantaroktarūpesu 'sthāneṣu' asaṃyamādiṣu yo bhikṣuḥ 'yatate' uktanyāyena yatnavān bhavati sadā kṣipraṃ sa sarvasaṃsārādvipramucyate paṇḍita iti sūtrārthaḥ || 'iti' parisamāptau, bravīmiti pūrvavat | avasitaścānuyoge, nayāśca prāgvat ||
adhyayanaṃ 31 samāptam muni dīparatnasagāreṇa saṃśodhitaṃ sampāditaṃ uttarādhyayanasūtre ekatriṃśattamadhyayanaṃ saniyuktiḥ saṭīkaṃ samāptam
(adhyayanaṃ-32-pramādasthānaṃ vṛ.vyākhyātaṃ caraṇavidhināmakamekatriṃśamadhyayanam, idānī dvātriṃśamārabhyate, asya cāyamabhisambandhaḥ-anantarādhyayane naikadhā caraṇabhihitaṃ, tacca pramādasthānaparihārata evāsevituṃ śakyaṃ, tatparihāraśca tatparijñānapūrvaka iti tadarthamidamārabhyate, ityanena sambandhenāyātamidamadhyayanam, asya catvāryanuyogadvārāṇi yāvannāmaniṣpannanikṣepastāvatpūrvavadeveti manāsyādhāya nāmaniṣpannanikṣepābhidhānāyāha niyuktikṛt
ni. [523] nikkhevo apamāe cauvvi0|| ni. [524] jāṇagasarīrabhavie tavvairite a majjamāīsu|
niddāvikahakasāyā visaesu bhāvao pamāo|| ni. [525] nāmaṃ ṭhavaṇādavie khittaddhā uḍḍa uvaraī vasahī|
saṃjamapaggahajohe ayalagaṇaṇasaṃdhaṇā bhāve|| vṛ. nikkhevetyādigāthāstistraḥ sugamā eva, navaraṃ 'majjamāīsutti makāro'lākṣaṇiko madayatīti madyaṃ-kāṣṭhapiṣṭaniṣpannamādiśabdādāsavādiparigraha: etāni, subbyatyayācca prathamārthe saptamī, bhāvapramādahetutvādravyapramādaḥ, 'nidrāvikathākaṣāyāḥ' uktarūpāḥ "visaesa'tti prāgvadviṣayāśca bhāvataḥ' bhāvamāśritya pramādaḥ| tathā sthānanikṣepe prastāvātsthānaśabdo nāmādibhiḥ pratyekaṃ yojyate, tatra ca dravyasthānaṃnoāgamato jñaśarīrabhavyaśarīravyatiriktaṃ yatsacittādidravyāṇāmāśrayaḥ, kṣetrasthānaṃ-bharatādikṣetramūrdhvalokādi vā yatra kṣetre sthānaṃ vicāryate, addhākālaḥ saiva tiṣṭhatyasminniti sthānamaddhāsthānaṃ tacca pṛthivyādīnāṃ bhavasthityādi samayāvalikādi vā, ūdhvasthānaṃ-kāyotsargādi uparatiḥ-viratistatsthānaṃ yatrāsau gṛhyate, vasatiḥ-upāśrayastatsthānaṃ grāmārāmādi saṃyamaḥsāmāyikadistasya sthānaṃ-prakarṣāpakarṣavadadhyavasāyarūpaṃ, yatra saṃyamasyāvasthānaṃ, taccāsaṃṅkhayeyabhedabhinnaṃ, tathāhi
samāyikacchedopasthāpanīyaparihāraviśuddhikānāṃ pratyekamasaṅkhyeyalokāśapradeśaparimāṇāni saṃyamasthānāni, sūkṣmasamparāyasaṃyamastvāntamauhūrtika ityantamuhūrtasamayaparimāṇāni tatsthānāni,