Uttarajjhayana v29.p245

v29.p245

uttarādhyayana-mūlasūtram-2-35/1443 (adhyayanaṃ-35-anagāramārgagatiḥ | vṛ. vyākhyātaṃ leśyādhyayananāmakaṃ catustriṃśamadhyayanama, adhunā pañcatriṃśamārabhyate, asya cāyamabhisambandhaḥ--anantarādhyayane leśyā abhihitāḥ, tadabhidhāne cāyamāśayaḥ- aśubhānubhāvaleśyātyāgataḥ śubhānubhāvā eva leśyā adhiṣṭhātavyāḥ, etacca bhikṣuguṇavyavasthitena samyagvidhātuṃ śakyaṃ, tadyavasthānaṃ ca tatparijñānata iti tadarthamidamārabhyate, etatsambandhāgatasya cāsyānuyogadvāracatuṣṭayaṃ prāgvadvarṇanīyaṃ yāvannāmanippannanikṣepe anagāramārgatiriti nāma, ato'nagāramārgagatīnāṃ trayāṇāmapi padānāṃ nikṣepāyāha niyuktikṛt ni. [549] anagāre nikkhevo cauvviho duvihe hoi nāyavvo | ni. [550] jāṇagabhaviyasarīre tavvairitte aniṇhagāīsu|
bhāve sammaddiṭṭhī agāravāsā vinimmukko|| ni. [551] maggagaīṇaṃ duṇhavi puvuddiṭṭho caukkanikkhevo|
__ ahigāro bhāvamagge siddhigaīe u nāyavvo|| vṛ. gāthātrayaṃ spaṣṭameva, navaraṃtadyatiriktaśca nihnavādiṣu, ādiśabdādanyeṣvapi caritrapariṇāma vinā gṛhābhāvavatsu, nirdhāraṇe saptamī, tataśca yasteṣu madhye'nagāratvena loke rūḍha ityupaskāra:, satadyatirikto dravyānagāro, bhāve 'samyagdṛṣṭiḥ' samyagdarśanavānniścayato yatsamyaktvaṃ tanmaunamiti caritrī agāravāsenāgārapāśena vā prākṛtatvāttṛtīyārthe pañcamī viśeṣeṇa-tatpratibandhaparityāgarūpeṇa nirmuktaḥ-tyakto vinirmukto'nagāraiti prakramaḥ, tathā mārgagatyordvayorapi, pūrvapramokṣamārgagatināmanyadhyayane uddiṣṭaḥ-kathitaḥ pūrvoddiṣṭaḥ, itthameṣāṃ catuvidhatvena keneha prakṛtamityāhaadhikāra: 'bhāvamaggi'tti subbyatyayād 'bhāvamārgeṇa' samyagdarśanajñānacāritralakṣaṇena siddhigatyā cārthādbhāvagatyā upalakṣaṇatvādbhāvānagāreṇa ca jñātavya iti gāthātrayāvayavārthaḥ| gato nāmaniṣpanno nikṣepaḥ, samprati sūtrānugame sūtramuccāraṇīyaṃ taccedammū. (1444) suṇeha me egamanā, maggaṃ savvanu (buddhahiṃ) desiyaṃ |
jamāyaraṃto bhikkhū, dukkhānaṃtakaro bhave || vṛ. 'śṛṇuta' ākarṇayata 'me' mama kathayata iti śeṣaḥ, ekāgramanasaḥ, ko'rtha ?-ananyagatacittāḥ santaḥ śiṣyā iti śeṣa, kiṃ tat ? ityāha-'mārgam' uktarūpaṃ prakramānmukterbudhaiḥavagatayathāsthitavastutattvairutpannakevalairarhadbhiḥ śrutakevalibhirgaṇadharādibhirvetyuktaṃ bhavati, deśitaṃ-pratipāditamarthataḥ sūtrataśca, tameva viśeṣayitumāha-'yam' iti mārgam 'ācaran' āsevamānaḥ 'bhikṣuḥ' anagāra: 'du:khānāṃ' śārīramānasānāmantaḥ-paryantastatkaraṇaśīlo'ntakara: 'bhavet' syāt, sakalakarmanirmūlanata iti bhāvaḥ, tadanenāsevyāsevakasambandhenānagārasambandhitvaṃ mārgasya tatphalaṃ ca muktigatiriti darśitaṃ, tataścānagāramārga tadgatiṃ ca śṛṇutetya(rthata) uktaṃ bhavatīti sūtrārthaḥ | yathāpratijñātamevāhama.(1445) gihavāsaṃ parikhajjā, pavvajjāmassie manī|
ime saṃge viyāṇijjā, jehi sajjaṃti mānavā||