Uttarajjhayana v29.p246

v29.p246

adhyayana-35, [ ni. 551] mū.(1446) taheva hiṃsaṃ aliyaṃ, cojja abbabhasevaṇaṃ|
icchakāmaṃ ca lobhaṃ ca, saṃjao parivajjae | mū. (1447) manoharaṃ cittadharaṃ, malladhūvanavāsiyaṃ |
sakavāḍaṃ paṃḍarulloyaṃ, manasāvi na patthae | mū. (1448) iṃdiyāṇi u bhikkhussa, tārisaṃmi uvassae|
dukkarāiṃ [tu dhāreuṃ] nivāreuṃ, kāmarāgavivaḍḍhaṇe || mū.(1449) susāṇe sunnagāre vā, rukkhamūle va ikkao|
pairike parakaḍe vā, vāsaṃ tattha'bhiroyae| mū.(1450) phāsuyaṃmi anābāhe, itthīhiṃ anabhiddae|
tattha saṃkappae vāsaṃ, bhikkhū paramasaṃjae| mū.(1451) na sayaṃ gihāiṃkucijjā, neva annehiṃ kārae|
gihakammasamāraṃbhe, bhūyāṇaṃ dissae vaho| mū.(1452) tasāṇaṃ thāvarāṇaṃ ca, suhumāṇaṃ bāyarāṇa ya |
tamhā gihasamāraṃbhaṃ, saṃjao parivajjae| mū.(1453) taheva bhattapānesu, payaṇe payāvaṇesu ya|
pāṇabhūyadayaṭṭhāe, na pae na payāvae| mū.(1454) jaladhannanissiyā jīvā, puḍhavīkaṭṭhanissiyā|
hammati bhattapānesu, tamhā bhikkhū na payāvae| mū.(1455) visappe savvao dhāre, bahupāṇavināsaṇe|
natthi joisame satthe, tamhā joī na dīvae| mū.(1456) hirannaṃ ca jāyarūvaṃ ca, manasāvi na patthae|
samaliṭṭakaṃcaṇaṃ bhikkhū, virae kayavikkae| mū.(1457) kiṇaṃto kaio hoi, vikkiṇaṃto avāṇio|
kayavikkayami valuto, bhikkhū havai tāriso|| mū. (1458) bhikkhiyavvaṃ na keyavvaṃ, bhikkhuṇā bhikkhavittiṇā|
kayavikkao mahādoso, bhikkhavittī suhāvahā || mū. (1459) samuyāṇaṃ uṃchamesijjā, jahāsuttamaṇidiyaṃ|
lābhālābhaṃmi saṃtaṭhe, piṃḍavāyaṃ manī|| mū. (1460) alolo na rase giddho, jibbhādaṃto amucchio|
na rasaṭṭhāe bhuṃjijjā, javaṇaṭṭhāe mahāmunī| mū.(1461) accaṇaṃ rayaṇaṃ ceva, vaṃdanaṃ pūaṇaṃ tahā|
iḍḍīsakkārasammāṇaṃ, manasāvi na patthae| mū.(1462) sukkaṃ jhāṇaṃ jhiyāijjā, aniyāṇe akiṃcaṇe|
vosaṭṭakāe viharijjā, jāva kālassa pajjao|