Uttarajjhayana v29.p250

v29.p250

247 vāñchottarottaravastuviṣayatvena bhāvanīyā, piṇḍyata iti piṇḍo bhikṣā tasya pātaḥ patanaṃ prakramātyātre'sminniti piṇḍapātaṃ-bhikṣā'ṭanaṃ tat 'caret' āseveta 'muniḥ' iti tapasvī, pāṭhāntarataśca piṇḍasta pāta: piṇḍapātastaṃ gaveṣayet, ubhayatra ca vākyāntaraviṣayatvādaponaruktyam|
itthaṃ ca piṇḍagavāpya yathā bhuñjīta tathā''ha-'alola:' na sarasānne prāpte lāmpaṭyavān, na 'rase' snigdhamadhurādau 'gṛddhaḥ' prāptāvabhikāṅkṣāvān, kathaṃ caivaṃvidhaḥ ?, yataḥ 'jibbhādaṃte'tti prākṛtatvāddāntā-vaśīkṛtā jihvā--rasanā yenāsaudāgtajihvo'ta eva 'amūrchitaḥ' saṃnidherakaraṇena tatkāle vā'bhiṣvaṅgābhāvena, uktaṃ hi- "no vāmāo haṇuyāto dāhiṇaṃ, dāhiṇāo vā vāmaṃ cālei" evaṃvidaśca san 'na' naiva rasaṭhṭhāe'tti rasārthaṃ sarasamidamahamāsvādayāmīti dhātuviśepo vā rasaḥ sacāśeṣadhātapalakṣaṇaṃ tatastudapacayaḥ syādityetadarthaṃ na bhuṃjīta' nābhyavahareta, kimarthaṃ ta_tyāha-yāpanā-nirvāhaḥ sa cārthātsaṃyamasya tadarthaṃ 'mahāmuniḥ' pradhānatapasvī, anena piṇḍaviśuddhiruktā| tadevamādau mūlaguṇān vidheyatayā'bhidhāya tatparipālanārthamāśrayāhāracintādvāreṇottaraguṇāṃśca samprati tadavasthita evātmanyutpannabahumānaḥ kaścidarcanādi prārthayediti taniṣedhārthamāha-'arcanāṃ' puṣpādibhiḥ pūjāṃ 'racanā' nipadyādiviṣayāṃ svastikādinyāsātmikāṃ vā 'caḥ' samuccaye 'evaḥ' avadhāraṇe netyanaina saṃbhantsyate 'vandanaṃ' namastubhyamityādi vācā:bhiṣṭavanaṃ 'pūjanaṃ' viśiṣṭavastrādibhiḥ pratilābhanaṃ 'tathe'ti samuccaye, ṛddhiśca-śrāvakopakaraṇādisampadāmopadhyādirūpā vā satkāraśca-ardhapradānādiḥ sanmānaśca-abhyutthānādiḥ ṛddhisatkārasanmānaṃ tanmanasā'pyāstāṃ vācā naiva 'prārthayet' mamedaṃ syādityabhilaṣet|
kiṃ punaḥ kuryādrityāha-'śukladhyānam' uktarūpaṃ yathā bhavatyevaṃ 'dhyāyet' cintayet 'anidānaḥ' avidyamānanidāno'kiñcanaḥ prāgvat, vyutsṛṣṭa iva vyutsṛṣṭaḥ kāyaḥ-śarīraṃ yena sa tathā vidaredapratibaddhavihāritayeti gamyate ‘yāvadi'ti maryādāyāṃ 'kālasya' iti mṛtyoḥ 'pajjayatti' 'paryāya:' paripāṭī prastāva itiyāvat, yāvanmaraṇasamayaḥ kramaprāpto bhavatīti | __ evaṃvidhānagāraguṇasthaśca yāvadāyudhihatya mṛtyusamaye yatkṛtvāyatphalamavāpnoti tadāha'nijjūhiūṇa'tti paritvajya āhāram' aśanādi, tatparityāgaśca saṃlekhanākrameṇaiva, jhagiti tatkaraṇe bahutaradoṣasambhavāt, tathā cāgamaḥ
"dehammi asaṃlihie sahasā jhāūhi khijjamāṇāhiṃ|
jāyai aṭṭajjhāṇaṃ sarīriṇo caramakālaṃmi|| kadā?-'kāladharme' āyuḥkṣayalakṣaṇe mṛtyusvabhāve 'upasthite' pratyāsannībhūte, tathā 'tyaktvā' apahāya'mānusaṃ'ti mānuṣīṃ-manuṣyasambandhinīṃ 'bundi' śarīraṃ 'prabhuḥ' vīryāntarāyakṣayato viśiṣṭasāmarthyavān ‘dukkhe'tti 'duḥkhaiḥ' śārīramānasaiḥ 'vimucyate' viśeṣeṇa tyajyate, tannibandhanakarmāpagamata iti bhāvaḥ | ___ kīdṛśaḥ san ? ityāha-'nirmamaḥ' apagatamamīkāraḥ 'nirahaṅkāraḥ' ahamamukajātīya ityādyahaṅkārarahitaḥ, īdṛśaḥ kutaḥ?, yato vītarāgaḥ prāgvad vigatarāgadveṣaḥ, tathā 'anāśravaḥ' karmāśravarahito mithyātvāditaddhatvabhāvāt saṃprāptaḥ 'kevalajñānam' uktarūpaṃ 'śāśvataṃ' kadācidavyavacchedāta 'parinirvṛtaḥ' asvāsthyahetukarmābhāvataḥ sarvathā svasthībhūta iti viṃśatisūtra