Uttarajjhayana v29.p256

v29.p256

253 anumānatastvitarathā'pi dravyasya paryāyavikalasyāsambhavādgamyanta eveti tatprarūpaṇāmanādṛtya dravyato rūpiṇaḥ prarūpayitumāhamū. (1474) khaṃdhā ya khaṃdhadesā ya, tappaesā taheva ya|
paramāṇuṇo a boddhavvā, rūvino a cauvihā|| vṛ.skandanti-śuṣyanti dhīyante ca-poṣyante ca pudgalānāṃ vicaṭanena caṭanena ceti skandhāḥ 'caḥ' samuccaye skandhānāṃ deśā-bhāgāḥ skandhadeśāḥ caḥ prāgvat, tepāṃ-skandhānāṃ pradeśāniraṃśā bhāgāstatpradeśāḥ 'tathaiva ce'ti samuccaye paramāśca te'ṇavaśca paramāṇavaḥ-nivibhāgadravyarūpā: 'caḥ' samuccaye 'boddhavyāḥ' avagantavyā rūpiṇaḥ 'ca:' punararthe tato rūpiṇaḥ punaḥ 'caturvidhāḥ' catuṣprakārāḥ || iha ca deśapradeśānāṃ skandheṣvevāntarbhāvāt skandhāḥ paramāṇavaśceti samāsato dvāveva rūpidravyabhedau, tayośca kiṃ lakṣaṇamityāha-'ekatvena' samānaparimatirūpeṇa 'pṛthaktvena' paramāṇvantarairasaṅghātarūpeṇa lakṣyanta iti śeṣaḥ, ke evam ? ityāha-skandhaḥ casya bhinnakramatvātparamāṇavaśca, skandhā hi saṃhatānekaparamānurūpāḥ, paramāṇavaśca paramāṇvantarairasaṃhatibhājaḥ||
athavā uktanyāyato dvaividhye kathamamī skandhāḥ paramāṇavaśca jāyante? ityāha-'egatteṇa' sūtrārddham, ekatvena dvayośca trayāṇāṃ yāvadanantānāmanantānantānāṃ ca pṛthagbhūtaparamāṇūnāmanyo'nyasaṅgātato dvipradeśikatvādyātmakasamānapariṇatirūpaikabhāvena, tathā 'pṛthaktvena ca, tatraikatvena kaiścidaṇubhiḥ saṃhanyamānatayaikapariṇatirūpeṇa pṛthaktvena ca tatsamaya eva keṣāñcidaṇūnāṃ vicaṭanābhedātmakena 'skandhāḥ' dvipradeśādaya utpadyanta iti śeṣaḥ caśabdasya prāgvatsambandhātparamāṇavaśca, ekatveneti tṛtīyā, tata ekatvena-asahāyatvena lakṣitaṃ yatpṛthaktvaṃskandhebhyo vicaṭanātmakaṃ tonotpadyante, ekatvaviśeṣaṇaṃ ca yatsasahāyānāṃ vyaṇukādīnāṃ vāstavaṃ yaccaikatvapariṇatāvapi deśādīnāṃ buddhiparikalpitaṃ skandhebhyaḥ pṛthaktvaṃ na tataḥ paramāṇava utpadyanta ityācaṣṭe, tathā cāha vācaka:-"saṃghātād bhedāt saṅghātabhedāditi, ebhyastribhyaḥ kāraṇebhyaḥ skandhā utpadyante, tathā bhedādeva paramāṇu"riti | etāneva kṣetrata āhamū. (1475) egatteṇa puhutteṇaṃ, khaṃdhā ya paramāṇu|
loegadese loe a, bhaiavvā te u khittao||
(etto kālavibhāgaṃ tu, tesiṃ vucchaṃ cauvviha) vṛ. lokasya-caturdaśarajjvātmakasyaikadeśaḥ-ekadyādisaṅkhyātāsaṅkhyātapradeśātmakaḥ pratiniyato bhāgo lokaikadeśastasmin loke ca 'bhaktavyāḥ' bhajanayā darśanīyāḥ 'te' iti skandhāḥ paramāṇavaśca 'tuḥ' pūraṇe kṣetramāśritya, atra cāviśeṣoktāvapi paramāṇūnāmekapradeśa evāvasthānātskandhaviṣayaiva bhajanā dṛṣṭavyā, te hi vicitratvātpariṇaterbahutarapradeśopacitā api kecidekapradeśe tiṣṭhanti, yaduktam-"egeṇavi se pune dohivi puṇṇe sayaṃpi māijje"tyādi, anye tu saṅkhyeyeṣu ca pradeśeṣu yāvatsakalaloke'pi tathāvidhācittamahāskandhavadbhaveyuriti bhajanīyā ucyante, 'ataḥ' iti kṣetraprarūpaṇāto'nantaramiti gamyate 'kālavibhāgaṃ tu' kālabhedaṃ punaḥ 'teṣāṃ' skandādīnāṃ vakṣye 'caturvidhaṃ' sādyanādisaparyavasitāparyavasitabhedenānantarameva