Uttarajjhayana v29.p299

v29.p299

uttarādhyayana- mūlasūtram - 2-36 / 1730 'abhaviya'tti sūtratvād 'abhavyāḥ' ayogyāḥ 'uttarajjhāya'tti vacanavyatyayāduttarādhyāyeputtarādhyāyaviṣaye'dhyayana iti gamyate, yadvā 'uttara'tti prāgvatpadaikadeśe'pi padadarśanāduttarādhyayanāni teṣāmadhyāyaḥ- pāṭha uttarādhyāyastasmin, tadanena viśiṣṭayogyatāyāmeva tāttvikaitadadhyayanasadbhāvalakṣaṇaṃ māhātmyamuktamiti gāthādvayārthaḥ ||
yataścaivamatimāhātmyavanta eva uttarādhyāyayāstato yadvidheyaṃ tadāhani. [ 562 ] tamhā jinapannatte anaṃtaṃgamapajjavehi saṃjutte | ajjhāe jahājogaṃ gurūpasāyā ahijjhijjā ||
vṛ. tasmājjanaiḥ - śrutajinādibhiḥ prarūpatā:- prajñaptāstān, anantāśca te gamāśca-arthaparicchittiprakārāḥ paryavāścaśabdaparyavārthaparyavarūpā anantagamaparyavāstaiḥ, samiti samyag bhṛśaṃ vā yuktāḥ - saṃyuktāstān 'adhyāyān' prakramāduttarādhyāyān 'jahājogaṃ' ti yoga-upadhānādirucitavyāpārastadanatikrameṇa yathāyogaṃ gurūṇāṃ prasādaḥ - cittaprasannatā guruprasādastasmāddhetoḥ 'adhīyet' paṭhet, na tvetadadhyayanayogyatāvāptau pramādaṃ kuryāditi bhāvaḥ, guruprasādāditi cābhidhānamadhyayanārthinā'vaśyaṃ guravaḥ prasādanīyāḥ tadadhīnatvāttasyeti khyāpanārthamiti gāthārthaḥ | 'iti' parisamāptau, bravīmīti pūrvavat | ukto'nugamaḥ, samprati nayāḥ, te'pi prāgvadeva || muni dīparatnasāgareṇa saṃśodhitā saṃpāditā uttarādhyayana sūtrasya bhadrabāhusūriṇāviracittā niryuktiḥ ( evaṃ ) śāntyācāryeṇaviracittā ṭīkā parisamāptā asti vistāravānurvyā, guruśāsvāsamanvitaḥ | āsevyo bhavyasārthānāṃ, śrīkoṭikagaṇadrumaḥ || 1 || tadutthavairaśākhāyāmabhūdāyatiśālinī | viśālā pratiśākheva, śrīcandrakulasantatiḥ || 2 || tasyāmānacchadanicayasadṛkṣāvarṇānvayotthaḥ,
śrīdhārāpadragacchaprasava bharalasaddharmakiñjalkapānāt | śrīśāntyācāryabhṛṅgo yadidamudagiradvāḍadhu śrotrapeyaṃ, tadbho bhavyāḥ ! tridoṣapraśamakaramato gṛhyatāṃ lihyatāṃ ca ||3||
43 caturtha mūlasūtraṃ “uttarādhyanāni" samāptaṃ