Uttarajjhayana v29.p35

v29.p35

-

uttarādhyayana-mūlasūtram-2-19/669 chinno bhinno vibhinno ya, uvavatro pāvakammuṇā|
avaso loharahe jutto, jalaṃte samilājue| coio tuttajuttehiṃ, rujjho vā jaha pāḍio| huāsane jalaṃtami, ciāsu mahiso viva| daddho ekko a avaso, pāvakammehiṃ pāvio|
balā saṃḍāsatuṃḍehi, lohatuṃḍehiṃ pakkhihiṃ| vilutto vilavaṃto'haṃ, ḍhaṃkagiddhehiṃ'naṃtaso||
taṇhākilaṃto dhāvaṃto patto veyaraṇiṃ naiṃ| jalaṃ pāhaṃti ciṃtato, khuradhārāhiṃ vivāio| uhābhitatto saṃpatto, asipattaṃ mahāvanaṃ| asipattehiṃ paṃḍatehiṃ, chinnapuvvo anegaso|| muggarehiṃ musuṃḍhīhi, sūlehiṃ musalehi ya| gayāsaṃbhaggagattehiṃ, pattaṃ dukkhaṃ anaṃtaso|| khurehiṃ tikkhadhārāhi, churiyāhi kappaṇīhi ya| kappio phālio chinno, ukitto a anegaso|
pāsehiṃ kūḍajālehi, mio vā avaso ahaṃ| vāhio baddharuddho a, vivaso ceva vivāio| galehiṃ magarajālehi, vaccho vā avaso ahaṃ| ullio phālio gahio, mārio a anaṃtaso||
vidasaehiṃ jālehi, lippāhi sauṇo viva! gāhio laggo a baddho a, mārio a anaṃtaso||
kuhāḍaparasumāīhi, vaḍḍuīhiṃdumo viva|| kuṭṭio phālio chinno, tacchio a anaṃtaso|| __caveḍamuṭṭhimāīhiṃ, kumārehi ayaṃ piva| tāḍio kuṭṭio bhinno, cunio a anaṃtaso|| tattāī taṃbalohāī, tauāīsīsagāṇi ya| pāio kalakalaṃtāī, ārasaṃto subheravaṃ || tuhappiyāiṃ maṃsāī, khaṃḍāiṃ sallagāṇi ya| khāvio mi samaṃsāī, aggivannāī negaso||
tuhaṃ piyā surā sihū, merao a mahūṇi ya| pajjio mi jalaṃtīo, vasāo ruhirāṇi ya|| niccaṃ bhīeṇa tattheṇaṃ, duhieṇaṃ vahieṇa ya|
paramā duhasaṃbaddhā, veyaṇā veiyā mae| tivvacaṃḍappagāḍhāo, dhorāo aidussahā|