Nalacampu 4.16

Viṣamapadaprakāśa 4.16

Language: Sanskrit

4.16

vareti || varāḥ sahakārakāḥ sacivādyo yasya | tathā rañjayatīti rañjakaḥ | tathā vīrāṇāṃ śūdrakādīnāmiva taro balaṃ javo vā yasyeti saṃbuddhau na dīrghaḥ| na śoko yasya etena dhīratvoktiḥ| madana iva madanaḥ kāmaḥ| puṃnāga iti nāgaśabdaḥ praśaṃsāyām| ityāmantraṇaiḥ prakṛto'rthaḥ| vividhadrumamayetipadād drumāryo'pyūhyaḥ| tadyathā | sahakāra-āmraḥ, karañjako naktamālaḥ, vīratarurnadīsarjaḥ| yadamaraḥ—‘nadīsarjo vīratarurindradruḥ kakubho'rjunaḥ | aśokaḥ kaṃkelliḥ, madanaḥ śalyaḥ, yatphalaṃ vivāhe vadhūvarapāṇau badhyate| puṃnāgaḥ suraparṇikā| kathamiti virodhe| vibhītakasyākṣārthatvāt prakṛte tu bibhītako viśeṣeṇa bhīta iti kutsāyāmanukampāyāṃ vā kan |

Previous: 4.15
Next: 4.17
Up: 4

Linked texts (1)

Nalacampū — Trivikramabhaṭṭa, Sanskrit