Treasury of Narratives (Caturviṃśatiprabandha) 12.5.2

12.5.2

kiñcidanumoditam | tena puṇyena vyantaratvenāvatīrṇo'yam | tatastvayi hitārthitvamasya | māṃ ca
tvanmantraśaktisamākṛṣṭipretyakṣāṃ tvanmātṛkalpāṃ jānāti | tatastathā'hasaditi viddhi | tadvṛttāntajñānādavanīśo vadānyatvaṃ suṣṭhvādade | brāhmī-śrīdattaśabdavedharasasiddhericchādānī mānī jainaḥ
§ 92) itthaṃkāraṃ nānāvidhānyavadātāni hālakṣitipālasya kiyanti nāma varṇayituṃ pāryante
sthāpitaṃścānena godāvarītīre mahālakṣmīprāsādaḥ⁸ | anyānyapi ca yathārhaṃ daivatāni niveśitāni
tattatsthāneṣu | rājyaṃ prājyaṃ ciraṃ bhuñjāne jagatījānau, anyadā kaściddārubhārahārakaḥ kasyacidbhāṇijasya vīthau pratyahaṃ cārūṇi dārūṇyāhṛtya vikrīṇīte sma| dināntare ca tasminnanupeyuṣi vaṇijā
tadbhaginī pṛṣṭā⁹-kimarthaṃ bhavadbhrātā'dya nāgato madgīthyām ? | tayā babhaṇe-śreṣṭhiśreṣṭha ! matsodaryaḥ
svargeṣu samprati prativasati | vaṇigabhaṇat-kathamiva ? | sāvadat-kaṅkaṇabandhādārabhya vivāhaprakaraṇe dinacatuṣṭayaṃ naraḥ svargiṣviva vasantamātmānaṃ manyate | tattadutsavālokanakautūhalāt
taccākarṇya rājā'pyacintayat-aho ! ahaṃ svargiṣu kiṃ na vasāmi | caturṣu caturṣu dineṣu anavarataṃ
vivāhotsavamaya eva sthāsyāmi| iti vicārya cāturvarṇye yāṃ yāṃ kanyāṃ yuvatiṃ rūpaśālinīṃ
paśyati śṛṇoti sma 'ca, tāṃ tāṃ sotsavaṃ paryaṇaiṣīt| evaṃ ca bhūyasyanehasi gacchati lokaiścintitam-aho ! kathaṃ bhāvyamanapatyaireva sarvavarṇaiḥ stheyam | sarvāḥ kanyāstāvadrājaiva vivoḍhā
yoṣidabhāve ca kutaḥ santatiriti | evaṃ viṣaṇṇeṣu lokeṣu vivāhavāṭikānāmni grāme vāstavavya