Treasury of Narratives (Caturviṃśatiprabandha) 15.1-2.3

15.1-2.3

25 nṛpasya rājye sa evopaviṣṭaḥ | śrāddhadivase gaṅgāyāṃ piṇḍadānaṃ karttuṃ gataḥ | jalāddhastatrayaṃ nirgatam | sa rājā vismitaḥ | kasya karasya piṇḍaṃ dadāmi | tarhi bho rājan ! vada kasya deyaḥ piṇḍaḥ
rājñoktam-caurahastasya || 4-2
rājñā svarṇapālakaṃ jalpitam | tadapi kathāmāha-kasminnapi grāme kaścitkulaputraḥ | sa pariṇīto'nyagrāme | paraṃ tatpatnī śvaśuragṛhaṃ nāgacchati | svajanairnirguṇa iti hasyate | ekadā sarvajana30 prerito mitrayutastatra gataḥ | mārge yakṣasya śiro nāmitam | tatprabhāvātsāvarā jātā | āgantuṃ
pravṛttā | yakṣabhavane' samīpamāgate sa ekākī yakṣaṃ nantumagacchat | yakṣeṇa strīlomena tasya śiraścheditam | mahatyāṃ velāyāṃ mitramāgatam | tadavastho jāto dṛṣṭaḥ | cintitaṃ ca tena-janapravādo
bhaviṣyati, yathā-anena strīhetorhataḥ | tarhi mamāpi marttuṃ yuktam | iti vicintya tenāpi svaśiraśchinnam | 'sāpyāgatā | dvāvapi tadavasthau prekṣya cintitaṃ tayā-jano'gre'pi māṃ patidveṣiṇīṃ
kathayannasti, samprati patighnīmiti kathayiṣyati | tarhi mriye'ham | iti dhyātvā gale śastrikā
lagitā' | tāvatā yakṣeṇa kare dhṛtā-mā sāhasaṃ kuru | tayoktam-dvāvapi jīvāpaya' | yakṣeṇoktam-śirasī nijanijakabandhe yojaya | tayotsukayā'nyānyakabanvayornyaste | tayorbhāryāvivādo
jātaḥ-eko vadati madīyā, dvitīyo'pi tathā | tarhi kasya sā ? | rājñoktam-yasya kabandhe śiraḥ
sa bharttā-'sarvasya gātrasya śiraḥ pradhāna' miti vacanāt || 4-3
karpūrasamudgako'pi kathāmāha-kuto'pi grāmātsvasvakalāvidaścatvāraḥ suhṛdo deśāntaraṃ celuḥ