Treasury of Narratives (Caturviṃśatiprabandha) 15.1-2.4

15.1-2.4

ekaḥ kāṣṭhasūtradhāraḥ, dvitīyaḥ svarṇakāraḥ, tṛtīyaḥ śālāpatiḥ, turyo vipraḥ | kvāpi vane rātrāvuṣitāḥ | prathamayāme sūtradhāraḥ praharake sthitaḥ | tena kāṣṭhaputrikā taruṇīsadṛśī kṛtā samagrā'pi
dvitīye prahare svarṇakāro yāmikaḥ | tenābharaṇairvibhūṣitā | tṛtīye śālāpatiḥ | tena kṣaumāṇi
paridhāpitā | caturthe vipreṇa sajīvā kṛtā | prātaḥ sajīvāṃ dṛṣṭvā sarve'pi tajjighṛkṣayā mitho
vivadante | tarhi kasya sā, bho vikramādityanarendra ! ? | sā nāma śrutvā cukṣobha | rājñoktamtadahaṃ na vacmi" | tayorakathayatośca tayā jalpitam-bho rājan ! kasya sā ? | rājñoktam-svarṇakārasya | [ adhunāpi yaḥ svarṇaṃ caṭāpayati sa eva bharttā bhavati ] || 4-4
sā papraccha-ke yūyam ? | dīpasthena vetālenoktam-asau sa vikramādityaḥ | sā hṛṣṭā vyūḍhā
tāṃ gṛhītvā'vantīmāgamat | ya īdṛg tatsamaḥ 'kaḥ; ādhikye tu kā katheti hasitam | vikramasenena garvastyaktaḥ | iti śrīvikramaprabandhaḥ
§ 99) tato vikramasenaḥ purodhasamaprākṣīt-yadi kila etāḥ kāṣṭhaputrikā mama pitaramadbhūtaguṇaṃ
varṇayanti, tarhi sa eva loke tatprathamatayottamatvenāvatīrṇo bhaviṣyati | tataḥ prāk" tu na ko'pi
tādṛgguṇamo'bhūditi brūmaḥ | purodhāḥ prāha-rājan ! anādiriyaṃ ratnagarbhā | anādiścaturyugī | yuge
yuge nararatnāni jāyante | ahameva pradhānamiti garvo na hitakārī, na ca nirvahate | yatastvatpiturvikramādityasya manasyekadā evamabhūt; yathā-rāmeṇa vyavahṛtya lokaḥ sukhīkṛtaḥ, tathā'hamapi kariṣye