Treasury of Narratives (Caturviṃśatiprabandha) 15.1-2.8

15.1-2.8

'abhinavarāmaḥ' iti | punarujjayinīmāgāt | yathāśakti lokamudadharat | tasya hi agnivetālapuruṣasiddhibhyāṃ suvarṇasiddhyā copakāraiśvaryaṃ tadā nirupamamāsīt | tato vikramo dhanya eva
tato'dhikāstu pare 4koṭākoṭayo'bhūvan | ityākarṇya vikramaseno vivekī abhūt
§ 100) jainatattvabāhyamugdhajanacitramātraphalaṃ vikramādityaprabandhamekaṃ brūmaḥ
ujjayinyāṃ rājyaṃ śāsati vikramāditye, āsanne grāme vipreṇaikena halaṃ kheḍayatā divyaṃ jyotiṣmadratnamekaṃ bhūmau patitaṃ lebhe' | jagṛhe | tanmaulyaprabhārthamujjayinyāṃ ratnaparīkṣinaiga mapārśvamāgamat
darśitaṃ tadratnam | vismitāste ūcuḥ-na vayamasya ratnasya maulyakaraṇe kṣamāḥ, īdṛśasya pūrvamadṛṣṭatvāt; alīkamaulyakaraṇe tīvradoṣācca | kevalaṃ devaḥ śrīvikramādityo yadi vetti mūlyamasya
sa hi rekhāprāpto ratnamūlyajñāne | vipra upavikramaṃ jagāma | ratnamadīdṛśat | vikrameṇa pṛṣṭam-kva
labdhamidam ? | vipreṇoktam-deva ! halaṃ kheṭayatā svakṣetrabhūmau labdham | rājñā bhaṇitam-tarhi
dinadvayena vakṣyāmaḥ | ratnamasmaddhasta evāstu | vipra ! mā bhaiḥ, na vayaṃ paradhanabaddhābhilāṣāḥ | dhīrāṃ
dattvā svasaudhamadhya eva sthāpitaḥ saḥ
atha rātrau vikrameṇa vimṛṣṭam-ratnaparīkṣakāḥ saṃsāre balimranu | sa ca pātāle| tatrāpi gantavyam
'kutūhalī hyalaso na bhavet' | tato'gnivetālamāruhyāśu pātālaṃ gataḥ | balibhuvanadvāre'sthāt
tatra nārāyaṇo dvāsthaḥ | praṇataḥ | nārāyaṇena pṛṣṭam-kiṃ kārye te'trāgamane ? | vikrameṇoktam-upabaligato vijñapaya, rājā kāryagauravādāyāto'sti | yathādeśaḥ syāttadā darśanaṃ labhate | tataḥ