Treasury of Narratives (Caturviṃśatiprabandha) 15.1-2.9

15.1-2.9

kṛṣṇenoktaṃ baliṃye-rājā samāgato'sti dvāre | balinā niveditam-rājā cedyudhiṣṭhiraḥ ?, pṛccheḥ
'kṛṣṇa ! | gataḥ kṛṣṇaḥ | papraccha-kiṃ yudhiṣṭhiro'si ? | vikrameṇoktam-rājānaṃ yudhiṣṭhiraṃ manyate
saḥ, tasmādanyaduktavyam| gaccha kṛṣṇa' !, maṇḍalīka āgato'stīti vada | gataḥ saḥ | vijñaptaṃ tat
balirūce-maṇḍalīkaḥ kiṃ rāvaṇaḥ ? | punarāgataḥ kṛṣṇaḥ | maṇḍalīkaścet kiṃ rāvaṇa iti pṛṣṭo'si
vikrameṇābhāṇi-tarhi gatvā vada, kumāra āgato'sti | gatvā tathoktam | balirāha-kiṃ kārtikeyaḥ, kiṃ vā lakṣmaṇaḥ, kiṃ vā pātālavāsī nāgaputro dhavalacandraḥ, kiṃvā vāliputro'ṅgado rāmadūta
iti khyātaḥ ? | punarehireyāhirā kṛṣṇasya | punarviikrameṇābhāṇi-vadestvam, vaṇṭha āyāto'sti
punargataḥ | balirbhaṇati-vaṇṭhaścetkiṃ hanūmān ? | punaḥ kṛṣṇo vāgaritaḥ | bhaṇitaṃ balivacaḥ
punarvikramaḥ proce-gatvā vada, talārakṣa āgato'sti | uktaṃ tena tattathā | tato balirjagāda-kiṃ
vikramakaḥ ? | kṛṣṇenaitya pṛṣṭam-kiṃ vikramādityaḥ ? | vikramādityena omityuktam | balyādeśādupabali nītaḥ| pṛṣṭo balinā-re vikrama! ratnamūlyaṃ praṣṭumāgato'si?| vikramādityo vadati
itthamevedam | darśitaṃ ratnam | balirbabhāṇa-īdṛśāni aṣṭāśītiṃ sahasrāṇi ratnāni nityaṃ
yudhiṣṭhiro nirmūlyānyadatta pātrebhyaḥ| teṣāṃ madhyādidamarulat 2 vipreṇa labdham | prāyo bhūmiṃ
gatāni sarvāṇi ratnāni, kālasya bahulatvāt | tato re! rājā yudhiṣṭhira eva, tvaṃ kaḥ?