Prabandhakosha 7.76.3

7.76.3

coktā | sā putramaraṇāddhi bhāya | rājāpi kaṇṭikāgṛhamagāt | sāpi rājānaṃ sacintamālokyālāpīt-deva ! adya kathaṃ mlānavadanaḥ 1 | rājā''ha sma-kiṃ kriyate ?, vidhiḥ kupitaḥ | putrānme
mṛtyurjñāneinā dṛṣṭapratyayaśatena kathitaḥ | kaṇṭikā vadati sma-kā cintā, māraya putram | sutamapi nirdalayanti rājyalubdhāḥ | suto na sutaḥ | sutarūpeṇa śatrureva saḥ | tacchrutvāhundukaḥ sutaṃ
jighāṃsāmāsa | yāvatā ghātayiṣyati tāvatā bhojamātrā pāḍalīpure svabhrātṛṇāṃ śūrāṇāṃ rājyaśrīsvayaṃvaramaṇḍapānāṃ lehalānāṃ dharmajñānāmagre pracchannanarairlekhena jñāpitam, yathā-evamevaṃ bhavatāṃ
bhāgineyo vinaṃkṣyati | ruṣṭo rājā | āgatya enaṃ gṛhītvā gacchata | rakṣatāṃ jīvavat | mā sāhaṃ
bhavatsu satsu niṣputrā 'bhūvam-iti | te'pyāgacchan, dundukamanaman | utsavamiṣeṇa bhāgineyaṃ
bhojaṃ gṛhītvā pāṭalīputramagaman | tatra tamapīpaṭhan, alīlalan | śastrābhyāsamacīkarat
jīvavadamaṃsata | tatra tasya pañcābdī dinaiḥ katibhirapyūnā'tikrāmati sma | kaṇṭikā dundukāgre
kathayati sma-deva ! putrarūpaste śatrurmātṛśāle varddhate | nakhacchedyaṃ paraśucchedyaṃ mā kuru | atrānīya
cchadmaṃ yamasada naṃ naya | rājā''ha-satyametat | tato dūttamukhena 'dunduko bhojaṃ tanmātulebhyo'yācīt| te bhojaṃ nārpayanti | punaḥ punaḥ svān dūtān dundukaḥ prahiṇoti | bhojamātulāḥ prāhuḥ-rājan!
vayaṃ tava bhāvaṃ vidmaḥ, nārpayāma evainam| dharmapātramasau | anyo'pi śaraṇāgato rakṣyaḥ kṣatriyaiḥ, kiṃ