Prabandhakosha 7.76.4

7.76.4

punarīdṛg bhaginīputraḥ ? | balātkāraṃ brūṣe cet, yuddhāya praguṇībhūyāgaccheḥ | bhaginīpataye camatkāraṃ darśayiṣyāmaḥ | taddūtairāgatyoktam | dundukaḥ kupito'pi tān hantuṃ na kṣamaḥ | bhojo'pi
taiḥ piturduṣṭatvaṃ jñāpitaḥ kavacahara upapitṛ naiti | tato dundukena bappabhaṭṭisūrayaḥ prārthitāḥ-yūyaṃ
gatvā bhojaṃ sutamanunīyānayata mānayata mām| anicchanto'pi tatsainikaiḥ saha pāṭalīputraṃ celuḥ
arddhamārge samprāptaiḥ sthitvā vimṛṣṭaṃ jñānadṛṣṭyā-bhojastāvanmama vacasā nṛpasamīpaṃ naiṣyati
ānīyate vā yathā tathā; tadānīto'pi pitrā hanyate | vāglaṅghane rājā'pi kruddho māṃ hanti
tasmādito vyāghra ito dustaṭī iti nyāyaḥ prāptaḥ | samāptaṃ ca mamāyuḥ, divasadvayamavaśiṣyate,
tasmādanaśanaṃ śaraṇam-iti vimṛśyāsannasthayatayo bhāṣitāḥ-nannasūri-govindācāryau prati hitā
bhaveta | śrāvakebhyo mithyāduṣkṛtaṃ brūyāt | parasparamamatsaratāmādriyedhvam | kriyāṃ pālayeta
ābālavṛddhān lālayeta | no vayaṃ yuṣmadīyāḥ, na yūyamasmadīyāḥ | sambandhāḥ kṛtrimāḥ sarve
iti śikṣayitvā'naśanasthāḥ samatāṃ prapannāḥ
136. arhatasbijagadvandyān siddhān vidhvastabandhanān | sādhūṃśca jainadharma ca prapadye śaraṇaṃ tridhā