Treasury of Narratives (Caturviṃśatiprabandha) 8.9.1

8.9.1

§ 61) merumahādhvajāvāritānnadānayācakasatkārāḥ pravarttante | mālodghāṭanaprastāve tādṛśi saṅghe
rājñi ca niṣaṇṇe mahaṃ vāgbhaṭaḥ prathamaṃ lakṣacatuṣkaṃmavadat | pracchannadhārmikaḥ kaścitkathāpayatilakṣāṣṭau | evamanyānyeṣvīśvareṣu varddhayatsu kaścitsapādakoṭīṃ cakāra | rājā'pi camaccakāra, uvāca
ca-utthāpyatāṃ sa yo gṛhṇāti | utthitaḥ saḥ | yāvad dṛśyate tāvadvādaramalinavasano vaṇigrūpaḥ
rājñā vāgbhaṭo bhāṣitaḥ-drammasusthaṃ kṛtvā dehi | vāgbhaṭo vaṇijā sahotthāya pādukāmtikaṃ
gatvā drammasusthaṃ papraccha | taṃ vaṇijā sapādakoṭimūlyaṃ māṇikyaṃ darśitam | mantriṇā pṛṣṭamkuta idaṃ te ? | vaṇigāha-mahūakavāstavyo matpitā haṃsākhyaḥ saurāṣṭrikaḥ prāgvāṭaḥ | ahaṃ tadbhūjaṃgaḍaḥ | mātā me dhārūḥ | mama pitrā nidhanasamaye'haṃ bhāṣitaḥ-vatsa ! ciraṃ kṛtāḥ pravahaṇayātrāḥ,
phalitāśca | melitaṃ dhanam | tena ca krītaṃ pratyekaṃ sapādakoṭimūlyaṃ māṇikyapañcakam | adhunā prabhuvṛṣabhacaraṇau śaraṇaṃ me | anaśanaṃ pratipannam | 'kṣāmitāḥ sarve jīvāḥ | ekaṃ māṇikyaṃ śrīṛṣabhāya, ekaṃ śrīnemināthāya, ekaṃ śrīcandraprabhāya dadyāḥ | māṇikyadvayamātmano'ntardhanaṃ dadyāḥ,
bāhyadhanamapi pracurataramāste | idānīṃ mātā mayā sahānītā kapardibhavane muktā'sti | tāṃ jaratīṃ
mātaraṃ sarvatīrthādhikatayā purāṇapuruṣairniveditāmetāṃ māḷāṃ paridhāpayiṣyāmi | śrutvā hṛṣṭo
mantrī rājā saṅghaśca | mātṛsammukhagamanaṃ sarvaśrāvakāṇām; mālāparidhāpanam | tanmāṇikyaṃ hemnā
khacitvā śrīṛṣabhāya kaṇṭhābharaṇamanardhakiraṇabharitacaityagarbhamāsūtrayāmahe | 'calitaḥ saṅghaḥ