Treasury of Narratives (Caturviṃśatiprabandha) 8.9.2

8.9.2

prātaḥ pattanam | pravarttante saṅghabhojyāni pratilābhanāśca | amāristu nityaiva
§ 62) tasya ca kumārapāladevasya bhagnī śākambharīśvareṇa cāhamānavaṃśodbhavena rājñā ānākena pariṇītā'sti | ekadā tau sāribhiḥ krīḍataḥ | krīḍatā rājñā 'sāriṃ gṛhe muñcatoktam-māraya muṇḍikān, punarmāraya muṇḍikān | evaṃ dvitriḥ | ṭopikārahitaśīrṣakatvānmuṇḍikā gūrjaralokā vivakṣitāḥ;
athavā śvetāmbarā gūrjarendraguravo muṇḍikā iti hāsagarbhoktiḥ | rājñī kupitā vadati-re jaṅga5 lika ! jihvāmālocya nocyate ?, kiṃ vakṣi ? | na paśyasi mām ? | na jānāsi mama bhrātaraṃ rājarākṣasam ? | kruddho rājā tāṃ padā jaghāna | sāpyaha-yadi te jihvāṃ avaṭupathena nākarṣayāmi tadā
rājaputrīṃ māṃ mā maṃsyāḥ | iti vadantyeva sā sasainyā nirvilambaṃ śrīpattanametya caulukyāya taṃ
paribhavaṃ pratijñāṃ ca svopajñāmajijñapat | caulukyo'bhāṣata-itthameva kariṣyāmaḥ | kautukaṃ paśyeḥ
tataścānākastasyāṃ tatra gatāyāṃ gūrjaranṛpatejo durddharaṃ vidaṃścukṣobha | caulukyo'pi bahāsparicchadaṃ
10 mantriṇamekaṃ tatratyavṛttāntajñānāya praiṣīt | gataḥ sa tatra | jagrāha gṛham | rājāsannadāsīmekāṃ
dhanena rañjayitvā ātmīyaṃ bhogapātramakarot | nityaṃ sā yāmamātryāṃ rātryāmāyāti rañjayati
tam| ekadā niśīthe sā''gāt| mantrī kupitaḥ-āḥ pāpe ! 'parāparandagāmini ! kimiti vilambena
samāgatāsi ? | sāpi sapraśrayaṃ mantriṇamabhāṣata-svāmin ! mā kupaḥ | kāraṇena sthitā'smi