Meghaduta p107

p107

ॽdena paunuruktyāpatteḥ | vāhayet gacchet; 'niśāsu bhāsvatkalanūpurāṇāṃ yaḥ saṃcaro'bhūdabhisārikāṇām | jvalanmukholkāvicitāmiṣābhiḥ sa vāhyate rājapathaḥ śivābhiḥ ' ityatra vāhyata itivat | abhyaśeṣaṃ mārgasyāvaśiṣṭamekadeśam | śeṣaśabdenopayuktetarasyābhidhānāt tasya cārthānyūnatvasiddherlakṣitabhūyiṣṭhatvānmārgasya kiyāneva śeṣaḥ, ato lāghavātsaukaryeṇa na tandrālutvāvakāśa iti protsāhanam | prasiddhasujanasauhādasvabhāvodbhāvanenāpi protsāhayati ; athavā abhirucitadeśādidarśāne kathamavilambitanirgamaṃ iti cettatrāha— mandāyante apaṭuvadācaranti, udāsata iti yāvat | 'mūḍhātmāpaṭunirbhāgyā mandāḥ ' iti vaijayantī | khaluḥ anunaye | 'niṣedhavākyālaṃkāre jhīpsānunayoḥ khalu' iti vaijayantī | suhṛdāṃ aśāṭhahṛdayānāṃ mitrāṇām | abhyupetārthakṛtyāḥ evaṃ kariṣyāmīti pratiśrutaprayojanānuṣṭhānāḥ ; 'suhṛdarthe pratiśrutya yaśca paścādakurvatām | tena pāpena lipyeyaṃ yadyahaṃ nāgame punaḥ ||' iti mahābhārate mahāpātakatvokteḥ, dadhīcādīnāṃ tathānuddhānācceti bhāvaḥ | atrārthāntaranyāso'laṃkāraḥ |