Meghaduta p121

p121

riddhudakasnapanena bhagavataḥ prasādātiśayalābhaḥ, tataḥ prakṛṣṭaprayojanaprāptiriti dyotitam, 'abhiṣekapriyaḥ śivaḥ | alaṃkārapriyo hariḥ' iti purāṇavacanāt | rakṣāhetoḥ prabalataratārakādyasuravīradāraṇanimittam | 'ṣaṣṭhī hetuprayoge' itīyaṃ ṣaṣṭhī | navaśaśibhṛtā taruṇacandraśekhareṇeti, ananyasādhāraṇena viśeṣaṇenāṇimādisarvaiśvaryaniketanasya parameśvarasya pratipādanāt 'aṇimādiguṇopetamaspṛṣṭapuruṣāntaram | candramīśvara ityucaiḥ sārdhacandraṃ bibharti yaḥ ||' ityaṇimādīnāmaspṛṣṭapuruṣāntaratvena sāhacaryāvyabhicārasyokteḥ, tatsaṃbhṛtasya tejaso'pi 'kāraṇaguṇaprakrameṇa kāryaguṇārambhaḥ' iti nyāyāttadīyaguṇasarvasvasaṃpattiḥ pratipādyate | athavā navaśaśibhṛteti, 'navo navo bhavasi' iti mantrātpratimāsaṃ navyasya candrasya yogaśaktyā śivena dhāraṇāttasya ca bahuvanajanaparipoṣakatvādyogīśvarasya śaṃbhoḥ sarvadā jagadupakāraikaśaraṇatvaṃ dhvanyate; 'somādhāraḥ pitṛgaṇo yogācāraśca candramāḥ | ādye yogini yogastu tasmādrūpāla śasyate' iti śrīvacanāt | athavā surāsuranikaraghasmarajaladhisambharagaralakavalanena tadūṣmaśāntaye śivasya sudhākaraśakaladhāraṇāttadanusmaraṇena jagadekaśaraṇatā karuṇānidheyotyate | sa ca saṃbharaṇahetuḥ | vāsavīnāṃ vāsavaḥ indraḥ, tatsaṃbandhinīnām, vasavo devāḥ tadīyānāṃ vā | etena dānavakadanadūnadīnavāsavādiprārthanāprasannatvaṃ parameśvarasyoktam; yathā kumārasaṃbhave—'ariviprakṛtairdaivaiḥ prasūtiṃ pratiyācitaḥ' iti| camūnāṃ senānāmiti bahuvacanena bāhuvidhyaṃ dyotyate| senāgrahaṇena senānāṃ rājarasvārthatvena tāsāṃ ca tārakādiṣvakiṃcitkaratayā pratyuta ata eva