Meghaduta p122

p122

rakṣyāḥ saṃvṛttā iti prakāśyate | atyādityam ādityāḥ dvādaśa, dhātryaryamādīn tānatikrāntam, atiduṣkare karmaṇyanāyāsena sādhakatvāt | hutavahamukhe devyādibhirdhāraṇākṣamatayā vimuktatvādagninaiva dhāraṇāttata eva ca rūpasāmyasaṃpatteḥ | saṃbhṛtaṃ saṃbhāvitamiti, piturdevasya buddhipūrvakamapi sakalaśaktisamarpaṇaṃ dyotyate | hiśabdaḥ prasiddhau | tejaḥ na tu tejasvī | anena tejoghanatvaṃ dhvanyate | bāhyāntaradhvāntavidhvaṃsanakṣamatvācca teja ityucyate | atra gaṅgājalatarukusumābhiṣekaprayāse mama kiṃ phalamiti kāryaṃ pṛṣṭe sakalasamīhitasādhakatvaśakteḥ kāraṇasyābhidhānādaprastutapraśaṃsālaṃkāraḥ |