Meghaduta p126

p126

atha mayūraketanābhiṣekaviniyuktatoyasyāsya tadādānasthalamupadiśati— ārādhyainamiti | enaṃ prastutam | evamiti vā pāṭhaḥ | uktaprakāreṇa pūjayitvā | śaravaṇabhavaṃ merumekhalāvasthitakanakamayakāśakānanapradeśe prasūtatvāt | devaṃ dīvyatyarthasāmamyasya parameśvara eva saṃbhavāt sa eva deva ityucyate; śivameva śaravaṇasaṃbhūtaṃ ṣaḍānanatayā pariṇatam, 'ātmā vai' iti śruteḥ, 'jāyāṃ patiḥ saṃpraviśya sarvaḥ saṃjāyate punaḥ' iti smṛteśca | tataśca kṛtakṛtyo'sīti dhvanyate | ullaṅghitādhvā tīrṇaḥ arthādevagireścarmaṇvatyākhyāyā nadyāścāntarālavartī