Meghaduta p127

p127

mārgo yena| siddhadvaṃdvaiḥ siddhamithunaiḥ| vīṇābhiḥ vipañcīsahitaiḥ| vīhyādisvādiniḥ| 'vīhiḥ śikhāṣṭakā mālā patākā karmavarmaṇī| mekhalā naḍavā vīṇā saṃjñā cchadmavalākayoḥ' iti vīhyādigaṇaḥ| jaleti| prathamajalakaṇānāṃ sukhasevyatve'pi tantrīṇāmārdrabhāvaśaṅkitairiti bhāvaḥ| muktamārgaḥ parihatāgamanasaraṇiḥ| vyālambethāḥ gaganatalādavatare| surabhitanayālambhajāṃ surabhirnāma gokulamātā divyadhenuḥ, 'madhyamāne tatastasminkṣīrābdhau devadānavaiḥ| havirdhāmābhavatpūrvaṃ surabhiḥ surapūjitā' iti śrīviṣṇupurāṇokteḥ; tatputrīṇāṃ gavāmālambho yajñe vadhaḥ, tena jātām| mānayiṣyan pūjayiṣyan| anena jalapānatṛṣṇābhāve'pi dhārmikasya rājarṣeḥ satkārārthamapi tatrāvataraṇīyamiti dyotyate, 'dharmaḥ śruto vā dṛṣṭo vā smṛto vā kathito'pi vā| anumodito vā rājendra punāti puruṣaṃ sadā ||' iti mahābhāratokteḥ| srotomūrtyā jalapravāharūpeṇa| bhuvīti, yāvat bhūmau svayaṃ parivartate, tāvat svargavāsahetutvaṃ dyotyate; 'yāvatkīrtirmanuṣyasya bhūmau bhavati bhārata| tāvatsa puruṣavyāghraḥ svargaloke mahīyate' iti smṛteḥ| pariṇatāṃ saṃbhūtām| rantidevasya rantidevanāmna ādirājasya| kīrti sajjanaślāghanīyaṃ yaśaḥśarīram| atra mahābhārataprasiddhā kāpi kathānusmaryate; yathā— 'āsītpurā narapatiḥ kila rantidevaḥ kīrtipramūnasurabhīkṛtadiṅmukhaśrīḥ| yo varṇasaṃkaravatīmapi rantapuñjaiḥ kṣoṇīmapālayadasaṃkaravarṇahṛdyām|| rāṣṭre ca tasya ramaṇīyaguṇāmburāśergāvaḥ kadācidaṭavīṃ gahanāṃ praviṣṭāḥ| dṛṣṭvā śriyā paramayā jvalitā dhenuḥ papracchuracchakanakacchavimaṅgalāṅgīḥ || sakhyaḥ kathaṃ nu bhava-