Meghaduta p213

p213

atha vyāpārāntaramāha— śeṣāniti| śeṣān avaśiṣṭān, anativāhitānityarthaḥ| virahadivasasthāpitasya tatprathamaviśleṣahetubhūte divase nirṇītasya| avadheḥ kālasīmāyāḥ, varṣasyeti yāvat| ito divasādārabhyaitāvato divasānativāhya prakṣālitaśāpakalaṅkaḥ samāgamiṣyāmi, tāvadasya majjīvitajīvātossvadīyajīvitasya paritrāṇe prāṇasame prayatasyeti bahumukhaṃ samāśvāsya mayā pravasatā sthāpitasya tasya kālarātribālamitrasya saṃvatsarasyāvayavabhūtān gataśeṣānmāsānityarthaḥ| vinyasyantī ekādikrameṇa nikṣipantī| bhuvi bhūtale| gaṇanayā saṃkhyāparijñānahetoḥ| hetau tṛtīyā| athavā, saṃkhyārūpeṇa| dehalīmuktapuṣpaiḥ 'gṛhāvagrahaṇī dehalī' ityamaraḥ| dehalyāṃ dvārādhaḥsthitaphalakāyāmanudinamekaikaśo nihitaiḥ puṣpaiḥ, katipayadināvasāne taiḥ saṃpiṇḍitairgaṇitairgatadivaseyattāparijñānasaukaryāt| atha maṅgalārthaṃ vā, dehalyāṃ nihitaiḥ puṣpaiḥ| māsān bhuvi gaṇanayā vinyasyantītyukteḥ tasyā mugdhatātiśayāddivasagaṇanadvāreṇa māsagaṇanaṃ dyotyate; anyathā śiṣṭasya māsacatuṣṭayasya gaṇanāyāmīdṛśayannapratipādanānupapatteḥ| māsopādānaṃ tu teṣāṃ phalitatvāt, maugdhyarasabhaṅgaprasaṅgācca| tataśca 'divasagaṇanātatparām' ityuktasyānusandhānaṃ ca kṛtaṃ veditavyam| matsaṃyogaṃ mayā saha samāgamam, āliṅganacumbanādirūpam| hṛdayanihitārambhaṃ manasā saṃpāditaprakramam, saṃkalpaparikalpi-