Meghaduta p248

p248

sthapuṭagirikaṭakasaridavaṭataruviṭapādisaṃkaṭe mārge sīdatām | anena tādaśakleśaśatānirūpaṇenaiva teṣāmatriśramaṃ pravṛttirjyate | adhvagānāṃ pathikānām, arthādvirahiṇāmiti labhyate | mandraliṅgaiḥ garbhīrairurūkṣaiśca | dhvanibhiḥ garjitaśabdaiḥ | dhvanibhiriti, tvaraṇakāryasaukaryaṃ sūcyate | bahuvacanena khede'pi teṣāṃ madhye vilambacintāparihārāya dhvaniparaṃparayā vibhīṣikā dyotyate | tvarāyā hetumāha— avalokeṇimokṣotsukānīti | virahavyaktadaurbalyānāṃ preyasīnāmetacchabdaśravaṇe jīvitasaṃśayo'pi syāditi śaṅkayā tatparihārāya jhaṭityupagamena tāsāmekaveṇībandhanodveṣṭanārthamutkaṇṭhitānītyarthaḥ | tvarayati na punastvarayāmīti parokṣanirdeśaḥ prasiddhāmbuvāhasvabhāvapratipādanena sahṛdayasaṃvādamasyāḥ saṃpādya svasya tadbhāvaprakāśanātsvasāmarthye viśvambhajanāya | yastvarayati, tamambuvāhaṃ māṃ tvatsamīpamāgataṃ viddhītyuktiḥ, atrāpi mama śaktirastyeva, kiṃ tu vidhivihitasyāvadheralaṅghyatvāttadīyadūtatvenāgato'smi, kiṃ karobhi mānyaśīle, nānyā gatirastītyanukampā saṃtāpaśca dhvanyate | atrāprastutapraśaṃsālaṃkāraḥ, kāryadvāreṇa svasāmarthyasya kāraṇasya pratipādanāt |