Meghaduta p262

p262

śāpopahatatvāt | ataḥ sādṛśyarūpeṇa tadarthaṃ yate, tadapi mama mandabhāgyasya na samagraṃ sidhyatītyāha— śyāmāsvityādi | śyāmāsu phalinīlatāsu, na tu śyāmāyām| anena deśakāladaśāviśeṣavaśāttāsāṃ vaividhyena prayatato'nviṣya kasyāṃcidvarṇakāntim, anyasyāṃ komalatvam, aparasyāṃ tanutvamityādi dyotyate | śyāmālatānāṃ śyāmalakomalatvādiguṇayogāttadupādānam, 'kuvalayadalaśyāmā śyāmālatā pravijṛmbhate' ityuktatvāt | aṅgaṃ śarīram, karacaraṇādikaṃ vā | cakitahariṇīprekṣaṇe nyastānāṃ mṛgīṇāṃ netravyāpāreṣu, na tu mṛgījātimātrasya | anena siṃhagarjitādisadbhāve cakitatvasyopapatteḥ, tasya ca kādācitkatvāt kṛcchralabhyatvaṃ dyotyate | dṛṣṭipātaṃ nayanapreraṇam | vaktracchāyāṃ mukhaśobhām| śaśinīti, candramasaḥ pūrṇatva eva mukhasādṛśyalābhādasthiratvam, tadānīṃ ca sphuṭavikaṭakalaṅkapaṅkāṅkatayā tatsāmamyaviraho dhvanyate | śikhināṃ na punaḥ śikhinaḥ | tena teṣāmapi prāktṛṣi prabhūtamadānāmarogāṇāṃ bahūnāṃ madhye keṣāṃcideva śavarādyanulluñchiteṣu piñchakalāpeṣu keṣucidghanatarāyatasnigdhanīlamṛdulepveva sāmyasiddhestathātvasya duḥkhopalabhyatvaṃ prakāśyate | barhabhāreṣu śikhaṇḍanicayeṣu | keśān na tu keśabhāram, śiroruhamātrasyaiva smārakatvāt, caturakṛtabandhasya keśabhārasya tulyatāyāmaparyāsaḥ | utprekṣyāmi utprekṣe | īdṛśamidam, īdṛśamidamiti manasā tarkayāmi| pratanuṣviti, mṛdupavanaśakuniśapharādyāsphālana eva tanutarāṇāṃ taraṅgāṇāmudayātteṣāmapyasulabhatvam, anyeṣāṃ ca tādṛśasādṛśyabāhyatvaṃ pratīyate | nadīvīciṣu sarittaraṅgeṣu na tu sarovīciṣu | prasannaśītaleṣu avicchinneṣu jalapravāheṣveva tvadīyaṃ lāvaṇya-