Meghaduta p263

p263

mpyanusaṃdadha iti dyotayituṃ nadīgrahaṇam, tanmadhyagatānāṃ vīcīnāṃ lāvaṇyāntarvartibhrūlatānusmārakatvaniyamāt | bhrūvilāsān smarasamaramadhumadādiṣvanubhūtān bhrūlatāvibhramān | hanteti viṣāde | 'hanta harṣaviṣādayoḥ' iti vaijayantī | hanteti, aho duṣkarmaṇo viṣvakpratikūlācaraṇanirbandha iti bhāvaḥ | ekastham ekasminneva vastuni samagratayā sthitam | kacidapi vaneṣu giriṣu gagane salile anyatra vā kutraciddeśe | te ityaṅgādiṣvapi pratyekamanuṣajyate | caṇḍi kopane | anena ekasmin vastvantare samagratvatsāddaśyadarśanamasahamānayā tvayā tat bahuṣu vibhajya niveśitamiti mayotprekṣyata iti dyotyate | atha vā, vibhaktasyāpi tasya nirīkṣaṇaṃ tvayā matprāṇasvāminyā praṇayaprabhāvānna kṣamyate; tathāpi kiṃ karomi; sahasva haṃsagāmini kālavinodanāya kriyamāṇaṃ taditi vyajyate | sāddaśyaṃ sāmyam | nāsti na tu na dṛśyata ityanena sāddaśyasya sato na ketalamadarśanam, api tu tatsattvaiva na bhavati, samagrasya saundaryakośasya tvayyeva vedhasā yatnato niveśitatvāditi vyajyate | tataścopamānādanyasya guṇādhikyapratītervyatirekālaṃkāradhvaniḥ | atra smaraṇamalaṃkāraḥ ||