Meghaduta p34

p34

daḥ ' iti | upekṣeta jhaṭiti samāgamanena nāśvāsayet | anavaklṛsau liṅ | jāyāṃ dharmapatnīm | anenānyathā dharmalopo'pi syāditi darśitam, tadvināśe gṛhasyaiva nāśāt kṛtyaprayojakakartṛtvamapi taveti bhāvaḥ | tvayyeva tadvyāsibhaṅga iti cettatrāha— na syāditi | anyo'pi yaḥ pumān ayaṃ jana iva parādhīnavṛttirna syāt, ahaṃ yathā anatikramaṇīyena svāminā paratantraḥ, evaṃ paratantratā yasya nāsti sa iti vaidharmyodāharaṇametat | uttaravākyagato yacchabdaḥ sāmarthyāt pūrvavākyagataṃ tacchabdamākṣipati ; yathā kumārasaṃbhave— 'kiṃ yena sṛjati vyaktamuta yena bibharti tat' iti | yathā māghe— 'amṛtaṃ nāma yatsanto mantrajihveṣu juhvati' iti | anya iti | ito janādityarthātsidhyati; atastava nāparādhaḥ, mamaiva dagdhadaivanibaddhapāratantryanigalayantritasya karmadaurātmyamiti bhāvaḥ | atra aprastutapraśaṃsālaṃkāraḥ, meghasyoddīpanavibhāvatāpauṣkalyasya kāryamukhena pratipādanāt||