Meghaduta p89

p89

atha purapraveśātpūrvameva śiprāpavanasevanena kamalaparimalādhivāsitatadīyasalilakavalena ca tavādhvaśramaḥ śamamupeṣyatīti dyotayan, madanasāmrājyanirvāhakatāṃ purasya pratipādayati— dīrghīkurvanniti | paṭumadakalaṃ analpena kamalamadhujanitena madena madhuram | athavā paṭu spaṣṭamiti kūjitaviśeṣaṇam | śītalasparśasukhānubhavena dīrghatvam, kālasvarūpato vā, athavā nidrāvirāmajanakatvāt | 'pratyūṣo'harmukhaṃ kalyamuṣaḥ pratyuṣasī api' iti siṃhaḥ | sphuṭitam īṣadvilitamukham, tadānīṃ parimalasya bāhulyāt | maitrī saṃśleṣātiśayaḥ, kaṣāyaḥ surabhiḥ | surataglāniṃ saṃbhogāvasānasaṃbhūtāṃ vyāpāraniḥsahatām | aṅgānukūlaḥ mandasundarasparśatayā caraṇanalinasaṃvāhanādibhiśca | śiprāvātaḥ śiprānāmno nadyāḥ saṃbandhī vāyuḥ | prārthanācāṭukāraḥ punaḥsaṃbhogayāñjñāyāṃ rāgapratyānayanāya priyavacanaprayoktā; yathā