Meghaduta p93

p93

leti| jālodgīrṇaiḥ gavākṣavivaraniṣṭhyūtaiḥ| 'jālaṃ gavākṣa ānāye' iti vaijayantī| ayatnalabhyatvamanena dyotyate| upacitavapuḥ āpyāyitaśarīraḥ, dhūmasyaiva meghākārapariṇāmāt; yathā harṣacarite— 'svamapi dhūmambhodasaṃbhūtibhiyeva bhakṣayantaḥ' iti| keśasaṃskāradhūpaiḥ śiroruhādhivāsanārthairagarucandanādicūrṇāvakīrṇahutavahodgīrṇatayā sugandhitairdhūmaiḥ| 'dhūmastarirmeghavāhī dhūpo'sau gandhavāsitaḥ' iti vaijayantī| bandhuprītyā suhṛdayamasmākamāgata iti harṣeṇa| bhavanaśikhibhiḥ krīḍārthe gṛheṣu saṃvardhitairmayūraiḥ| harmyeṣviti| giriśikharavadabhraṃlihatvādviśramaucityam, bahuvacanena vividhavṛttāntakāntatayā tatra tatra rasānurodhena vihartavyamiti ca vyajyate| asyāḥ ujjayinyāḥ| kusumasurabhiṣu upahārapuṣpādibhiḥ surabhiṣu| lalitavanitāpādarāgāṅkiteṣu lāvaṇyavarṣiṇīnāṃ strīṇāṃ dayitadarśanasaṃbhramādibhirārdrārāgameva nihitānāṃ caraṇānāṃ yāvakarasena cihniteṣu, athavā pādānāmeva kāntyā lipteṣviti, tāsāṃ sadā saṃnidhānaṃ dhvanitam| 'rāgo'nurāge lākṣādau tviṣi' iti vaijayantī| ābhyāṃ lokottaroddīpanālambanavibhāvasaṃpattyā rasollāso dhvanyate| adhvakhinnāntarātmā mārgagamanatāntena śarīreṇa vigalitotsāhaṃ mano yasya saḥ; yathā vaidyake— 'manaḥśarīrayostāpaḥ parasparamabhivrajet| ādhārādheyabhāvena taptābhyaghaṭayoriva ||' iti| khedaṃ nītvā śramaṃ gamayitvā, ityanuvādenāyatnasādhyatvamuktam| nītvetyasya yā ityuttaraślokagatenānvayaḥ| alānuṣṭhitamṛṣṭabhojanasya janapadajanopahāramuditasyābhimataviṣayopasthānaharmyaprāsādavihāriṇo dharaṇīpateḥ samādhiranusaṃdheyaḥ| udāttamalaṃkāraḥ ||