Gita Govinda 3.5.3
Śaśilekhā 3.5.3
- Language
- Sanskrit
3.5.3
himālayapakṣe - himādriḥ=śāmbhavī–sṛṣṭiritivacanād himālayapakṣe'pyevameva⁸| yadvā vigalitasya=tuṅgatayā bhraṣṭaprasarasya, ata eva lajjitasya⁹ jagato=vāyoḥ jaṅgamasya pakṣyādervā avalokitena taruṇakaruṇapuṣpeṇa kṛto hāso yena| 'jagat syād viṣṭape klīvaṃ vāyau nājaṅgame triṣviti'| 'karuṇastu rase vṛkṣe kṛpāyāṃ karuṇā mateti ca'|| medinī| virahīti virahayituṃ=iṣṭaṃ tyājayituṃ ¹śīlamasyeti virahiḥ=pāpam, pātakam, pāpeneṣṭaviyojanamiti| taṃ nikṛntanakuntamukhākṛtibhiḥ ketakaiḥ=ketanaiḥ dhvajaiḥ gṛhairvā, dhvajāḥ gṛhāḥ vā, pātakacchedanodyatāḥ² kuntā iva dhvajāḥ prāsādā vā yatra bhāntītyarthaḥ| himādripakṣe - vīnāṃ=pakṣiṇām, rahaṇaṃ rahaḥ, tyāgo'sminnastīti virahipakṣibhiragamya ākāśapradeśaḥ tannikṛntanakuntamukhākṛtini ke=mastake, sauryanāmaśṛṅge, itena=gatena, kena=sūryeṇa, danturāśe, tādṛśaśṛṅgagatasūryaśvāsau danturāśceti vā'| madāśritānāṃ pakṣiṇāṃ gatimayaṃ nihantīti, tādṛśagaganapradeśadāraṇaucityam³| pūrvaṃ candrasya nāsikāsthāne⁴ niveśaḥ kathitaḥ| idānīṃ sūryasya mastake'vasthitirukteti na saṅgatam⁵,candrasya sūryopariṣṭādavasthiteḥ| tatra anekaśṛṅgatayā lambamāne kvāpi śṛṅge sūryāvasthitiriti jyotiḥśāstre candropari sūryāvasthitiriti vā samarthanīyam| mādhavikāparimalalilite navamālikayātisundhau| munimanasāmapi mohanakāriṇi taruṇākāraṇabandhau||viha0| mādhavasya strī mādhavikā=lakṣmīḥ , tasyāḥ parimalaḥ=sambandhātiśayaḥ , tena lalite=lakṣmyaikanivāsamanohara ityarthaḥ| (yadvā) ⁸ mādhavikā=madhuśarkarā , tatparimalavat lalitepsite sarvapriya ityarthaḥ|
Linked texts (1)
- Gītagovinda — Jayadeva, Sanskrit